Дар Душанбе ҷаласаи Шурои ҷамъиятиву машваратӣ доир ба фаъолияти гумрукӣ баргузор гардид
ДУШАНБЕ, 03.01.2024 /АМИТ «Ховар»/. Дар шаҳри Душанбе ҷаласаи навбатии Шурои ҷамъиятиву машваратӣ доир ба фаъолияти гумрукии Хадамоти гумруки назди Ҳукумати Ҷумҳурии Тоҷикистон баргузор гардид, ки дар он намояндагони мақомоти давлатӣ ва масъулини воҳидҳои сохтории Хадамоти гумрук иштирок намуданд. Дар ин хусус ба АМИТ «Ховар» дар Хадамоти гумруки назди Ҳукумати Ҷумҳурии Тоҷикистон иттилоъ доданд.
Дар ҷаласа масъалаҳои марбут ба фаъолияти Шуро ва натиҷаҳои бадастовардаи Хадамоти гумрук дар соли 2023, тартиби рамзгузории электронӣ, фаъолияти операторони пайгирикунандаи гардиши молҳо ва раванди назорати онҳо, муаррифии махзани санадҳои меъёрии ҳуқуқии «Гумрук» баррасӣ гардиданд.
Муовини якуми Сардори Хадамоти гумруки назди Ҳукумати Ҷумҳурии Тоҷикистон Азим Турсунзода оид ба натиҷаҳои назаррасе, ки мақомоти гумрук дар соли гузашта ноил гардидааст, ибрози назар намуда, гуфт, ки новобаста аз вазъи сиёсиву иқтисодии ҷаҳон соли 2023 барои Хадамоти гумрук соли бобарор буд.
Таъкид шуд, ки мақомоти гумрук дар раванди содагардонии тиҷорат ва савдо нақши калидиро доро мебошад ва маҳз бо ҳамин мақсад фаъолияти худро дар самти содагардонии раванди барасмиятдарории гумрукӣ, электронӣ намудани фаъолияти воҳидҳои сохторӣ ва ба сатҳи байналмилалӣ мутобиқ намудани хизматрасонии гумрукӣ равона намудааст. Бо ин мақсад дар асоси қарори Ҳукумати Ҷумҳурии Тоҷикистон «Барномаи миёнамуҳлати рушди мақомоти гумруки Ҷумҳурии Тоҷикистон барои солҳои 2020 – 2024» қабул гардид, ки амалӣ мешавад.
Инчунин доир ба муаррифии махзани санадҳои ҳуқуқии «Гумрук» намояндаи Раёсати таъмини ҳуқуқӣ Матлуба Ҳакимова ибрози назар намуд. Ӯ гуфт, ки Портали махзани санадҳои ҳуқуқии «Гумрук» ба иштирокчиёни фаъолияти иқтисодии хориҷӣ, кормандони мақомоти гумрук ва дигар шахсони манфиатдор дастрасии бемамониатро ба санадҳои меъёрию ҳуқуқии соҳаи гумрук фароҳам меорад. Инчунин ба иштирокдорони ҷаласа тартиби истифодабарӣ аз портал дар реҷаи воқеӣ муаррифӣ гардид.
Дар ҷаласа таъкид шуд, ки дар асоси қарори Ҳукумати Ҷумҳурии Тоҷикистон «Дар бораи рамзгузории электронӣ, фаъолияти операторони пайгирикунандаи гардиши молҳо ва раванди назорати онҳо» ба таври марҳилавӣ ҷорӣ намудани рамзгузории электронии барои тамокуи коркардшуда, маҳсулоти саноатии ивазкунандаи тамоку ва маҳсулоти тамоку, маҳсулотии дорои никотин, моеъи дорои некотин, маҳсулот аз тамокуи гармкардашуда, сигорҳои
электронӣ, дастгоҳҳои интиқоли дуд тавассути мушаххаснамоии рақамӣ, машрубот ва маҳсулоти спиртдор, ҳама намуди спирт ва нӯшокиҳои энергетикӣ то 1 июли соли 2024 муайян гардидааст.
АКС: Хадамоти гумруки назди Ҳукумати Ҷумҳурии Тоҷикистон
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
