Дар Испания низоми пӯшидани ниқоб ҷорӣ гардид
ДУШАНБЕ, 12.01.2024 /АМИТ «Ховар»/. Испанияро мавҷи бемориҳои роҳи нафас фаро гирифтааст. Вазорати тандурустии кишвар тасмим гирифтааст, ки дар беморхонаҳо ва марказҳои тиббӣ низоми ниқобпӯшӣ ҷорӣ намояд, иттилоъ медиҳад агентии хабаргузории «Kazinform» бо истинод ба Euronews.
Вазорати тандурустии Испания аз 10 январ пӯшидани ниқобро дар беморхонаҳо ва марказҳои тиббӣ ҳатмӣ донист. Сабаб – афзоиши бемориҳои роҳи нафас, аз ҷумла зуком ва ковид мебошад.
Дар баробари ин сатҳи бистарӣ шудан дар беморхона хеле паст боқӣ мемонад. Аз 100 ҳазор бемор камтар аз 30 нафар дар беморхона бистарӣ мешаванд.
Ба ҷуз ин аксарият аз 17 минтақаи мухтори Испания ба ин ташаббуси вазорати тандурустии Испания зид баромаданд.
Тахмин меравад, ки низоми ниқобпӯшӣ дар беморхонаҳо ва марказҳои тиббӣ чораи муваққатӣ буда, пас аз авҷи эпидемия бекор мегардад.
Азиза ИКРОМ,
АМИТ «Ховар»
АКС: stopfake.kz
Имрӯз дар шаҳри Душанбе ҳаво то 23 дараҷа гарм мешавад
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
Сарвазири Ҷумҳурии Қазоқистон Олжас Бектенов ба Тоҷикистон ташриф овард
