Дар ноҳияи Шамсиддини Шоҳин бинои иловагии Муассисаи таҳсилоти миёнаи умумии №7 ифтитоҳ ёфт
ДУШАНБЕ, 05.01.2024. /АМИТ «Ховар»/. Имрӯз зимни сафар ба шаҳру ноҳияҳои вилояти Хатлон Сарвазири мамлакат Қоҳир Расулзода бинои иловагии Муассисаи таҳсилоти миёнаи умумии №7-и ноҳияи Шамсиддини Шоҳинро ифтитоҳ намуд, хабар доданд ба АМИТ «Ховар» дар шуъбаи иттилоотию таҳлилии дастгоҳи Раиси вилояти Хатлон.
Муассисаи таҳсилоти миёнаи умумии №7 дар деҳаи Дараи оби Ҷамоати деҳоти Доғистон ҷойгир буда, моҳи марти соли 2021 сохтмонаш оғоз гардида, аз ҳисоби Бонки исломии рушд бо дастгирии Вазорати маориф ва илми Ҷумҳурии Тоҷикистон аз тарафи Ҷамъияти дорои масъулияти маҳдуди «Фаридун»–и шаҳри Кӯлоб сохта шудааст.
Муассисаи таълимӣ аз бинои дуошёна иборат буда, дорои 10 синфхонаи таълимӣ, утоқи кории директор, хонаи омӯзгорон, роҳрав, ҳавлӣ, майдончаи варзишӣ мебошад ва дар атрофи муассиса дарахтони сояафкан шинонида шудаанд. Шароити муассисаи таълимӣ ҳозиразамон буда, дорои кабинетҳои фаннии физика, химия, биология, технологияи иттилоотӣ ва Маркази инкишофи барвақтии кӯдакон мебошад. Дар ҳамаи синфхонаҳо тахтаҳои электронӣ бо компютер насб шудаанд. Муассисаи таълимӣ бинои ёрирасон бо андозаи 20 м2 барои нигоҳдории захираҳои зимистона дорад.
Масоҳати умумии қитъаи замини муассисаи таълимӣ 1,7 га ва масоҳати бинои таълимӣ 568 метри мураббаъро ташкил медиҳад, масоҳати синфхонаҳо 508 метри мураббаъ буда, иқтидори лоиҳавӣ барои 240 нафар хонанда мебошад. Муассисаи таълимӣ бо маркази гармидиҳӣ таъмин буда, дар айни замон дар ҳолати корӣ қарор дорад.
Муассисаи таълимӣ хонандагонро дар се зинаи таҳсил ба таълим фаро гирифта, аз ҳудуди деҳа дар муассисаи таълимӣ 456 хонанда (аз ҷумла 234 духтар) ба таҳсил фаро гирифта шуда, 39 омӯзгор (аз ҷумла, 11 зан) ба таълиму тарбияи хонандагон машғул мебошанд.
Пас аз шиносоӣ бо шароити таълим дар мактаби нав Сарвазири мамлакат ба корҳои сохтмонӣ баҳои баланд дода, таваҷҷуҳи омӯзгоронро ба сатҳу сифати таълим ҷалб намуд.
Омӯзгорону хонандагон аз ғамхориҳои беназири Сарвари маорифпарвари мамлакат изҳори миннатдорӣ намуда, иброз доштанд, ки бо фароҳам гардидани чунин шароити муосир дар таълиму тарбия саҳми бештар мегузоранд.
АКС: Шуъбаи иттилоотию таҳлилии дастгоҳи Раиси вилояти Хатлон
Доир ба нақши Президенти Тоҷикистон дар рушди забони давлатӣ бо ҷавонони фаъоли ноҳияи Тоҷикобод вохӯрӣ баргузор шуд
Доир ба ташаббусҳои Тоҷикистон дар самти обу иқлим конфронси илмӣ-амалӣ баргузор шуд
ИСТИҚЛОЛИ ДАВЛАТӢ ВА РУШДИ ИЛМУ МАОРИФ ДАР ТОҶИКИСТОН. Таҳти чунин унвон конференсияи илмӣ-назариявӣ доир шуд
Дурнамои ҳамкории Донишгоҳи байналмилалии сайёҳӣ ва соҳибкории Тоҷикистон бо Бонки Осиёии Рушд баррасӣ гардид
Президенти Ҷумҳурии Тоҷикистон Эмомалӣ Раҳмон аз ҷараёни корҳои сохтмонӣ дар дигар мавзеъҳои сохтмони Неругоҳи «Роғун» боздид намуданд
Сарвари давлат Эмомалӣ Раҳмон бо ҷараёни корҳои сохтмонӣ дар cарбанди Неругоҳи «Роғун» шинос шуданд
САНАИ САРНАВИШТСОЗИ МИЛЛАТ. Эҳдо ба 35–солагии Истиқлоли давлатии Тоҷикистон
Хонандагони Тоҷикистон дар Олимпиадаи байналмилалии муҳандисӣ-кайҳонӣ сазовори ҷойи дуюм шуданд
ИСТИҚЛОЛИЯТ ВА РУШДИ МАОРИФ. Барои рушди ин соҳа дар Бадахшон зиёда аз 422 миллион сомонӣ пешбинӣ шудааст
Пешвои миллат Эмомалӣ Раҳмон дар Неругоҳи «Роғун» аз хобгоҳи бунёднамудаи ҶСК «Тоҷикгидроэлектромонтаж» боздид намуданд
Президенти Ҷумҳурии Тоҷикистон Эмомалӣ Раҳмон дар шаҳри Роғун ду иншооти дигарро ба таври фосилавӣ мавриди истифода қарор доданд
Сарвари давлат Эмомалӣ Раҳмон дар шаҳри Роғун бинои нави нозироти андози шаҳрро ифтитоҳ намуданд
