Дар ноҳияи Темурмалик бунгоҳи тиббӣ ва муассисаи таълимӣ ба истифода дода шуд
ДУШАНБЕ, 05.01.2024 /АМИТ «Ховар»/. Сарвазири Тоҷикистон Қоҳир Расулзода ба ноҳияи Темурмалик сафар намуда, дар деҳаи навбунёди Танобчии Болои Ҷамоати деҳоти Танобчӣ бинои бунгоҳи тиббиро мавриди истифода қарор дод. Дар ин хусус ба АМИТ «Ховар» дар Мақомоти иҷроияи ҳокимияти давлатии вилояти Хатлон хабар доданд.
Ин иншоот ба ифтихори 35-солагии Истиқлоли давлатии Ҷумҳурии Тоҷикистон мавриди истифода қарор гирифта, ба минбаъд диққати аввалиндараҷа додан ба оммавигардонии тарзи ҳаёти солим ва фароҳам овардани шароити боз ҳам беҳтар барои тандурустии сокинон дар ноҳия равона шудааст.
Иншоот дар маҷмуъ аз 400 метри мураббаъ иборат буда, 85,42 метри онро бунгоҳи тиббӣ бо биноҳои ёрирасон ташкил медиҳад.
Бунгоҳи тиббӣ дорои 5 утоқи корӣ бо фарогирии 7 ҷойи кор буда, тибқи талаботи меъморию шаҳрсозӣ бунёд гардидааст. Дар атрофи бино зиёда аз 13 бех дарахти ороишии ҳамешасабз шинонда шудааст. Саҳни бино дар масоҳати 200 метри мураббаъ сафолакпӯш гардида, атрофи бино ба масофаи 82 метр панҷарабандӣ шудааст.
Ҳамзамон дар ин рӯз Сарвазири мамлакат дар ноҳияи Темурмалик бинои нави муассисаи таҳсилоти миёнаи умумии №22-ро мавриди истифода қарор дод.
Муассиса аз 2 ошёна, 10 синфхонаи таълимӣ ва 240 ҷойи нишаст дар 1 баст иборат буда, бо маблағгузории Бонки исломии рушд ва дастгирии Вазорати маориф ва илми Ҷумҳурии Тоҷикистон сохта шудааст.
Ин муассиса бо синфхонаҳои муҷаҳҳази фаннӣ, лабораторияҳои фанҳои физика ва химия, синфхонаҳои технологияи иттилоотӣ-коммуникатсионӣ ва маркази гармидиҳии ягонаи буғӣ таъмин аст.
Сохтмони муассиса соли 2021 оғоз шуда, 45 коргари маҳаллӣ бо маоши хуб ба корҳои сохтмонӣ ҷалб гардид. Равшаннамоии бинои таълимӣ пурра таъмин гардида, бо оби нӯшокӣ низ таъмин мебошад.
АКС: Мақомоти иҷроияи ҳокимияти давлатии вилояти Хатлон
Дар Душанбе Рӯзҳои фарҳанги шаҳрҳои Истаравшан, Норак ва ноҳияҳои Фархор, Носири Хусрав, Ёвон, Мастчоҳ ва Дӯстӣ доир мегарданд
НИШАСТИ МАТБУОТӢ. Дар шаш моҳи соли равон шумораи хизматчиёни давлатӣ аз ҳисоби занон афзоиш ёфтааст
НИШАСТИ МАТБУОТӢ. Бахшида ба ҷашни 35-солагии Истиқлоли давлатӣ беш аз 31 ҳазор иншоот ба истифода дода шуд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич хатти нави оби полезиро бо дарозии 12 километр мавриди истифода қарор доданд
Пешвои миллат Эмомалӣ Раҳмон дар ноҳияи Деваштич ба таври фосилавӣ 12 иншооти гуногунтаъйинотро ифтитоҳ намуданд
Сарвари давлат Эмомалӣ Раҳмон дар ноҳияи Деваштич бинои нави беморхонаи марказии №6-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳристон бо лоиҳаи сармоягузорӣ барои бунёди комплекси сайёҳии Шаҳристон — эко резорт шинос шуданд
Пешвои миллат Эмомалӣ Раҳмон дар ноҳияи Шаҳристон тариқи фосилавӣ 7 иншооти иқтисодию иҷтимоиро мавриди истифода қарор доданд
Сарвари давлат Эмомалӣ Раҳмон ба ноҳияи Шаҳристон ташриф оварданд
Сарвазири Тоҷикистон дар ноҳияҳои вилояти Хатлон бо рафти корҳои созандагӣ шинос гардид
Президенти Ҷумҳурии Тоҷикистон Эмомалӣ Раҳмон дар ноҳияи Айнӣ ба таври фосилавӣ 10 иншоотро мавриди истифода қарор доданд
Пешвои миллат Эмомалӣ Раҳмон дар ноҳияи Айнӣ Корхонаи истеҳсоли сурмаро ифтитоҳ намуданд
