Дар соли хониши 2023-2024 беш аз 9 ҳазор нафар аз Тоҷикистон ба муассисаҳои олии Русия қабул гардиданд
ДУШАНБЕ, 31.01.2024 /АМИТ «Ховар»/. Дар соли хониши соли 2023-2024 9567 нафар аз Тоҷикистон дар муассисаҳои олии Русия ба сифати донишҷӯ қабул гардиданд. Дар ин хусус дар мулоқоти намояндагони Сафорати Ҷумҳурии Тоҷикистон дар Федератсияи Русия ва Вазорати илм ва таҳсилоти олии Федератсияи Русия хабар дода шуд, иттилоъ медиҳад АМИТ «Ховар» бо истинод ба Сафорати Ҷумҳурии Тоҷикистон дар Федератсияи Русия.
Зимни суҳбат мавзуъҳои густариши ҳамкории Тоҷикистон ва Русия дар соҳаи илму маориф, фарҳангу варзиш, инчунин шароити таҳсили донишҷӯёни тоҷик дар муассисаҳои олии Русия, тақвияти ҳамкорӣ байни мактабҳои олии ду давлат мавриди баррасӣ қарор гирифтанд.
Ҷонибҳо роҷеъ ба имкони зиёд намудани бурсияҳо дар донишгоҳҳои Русия барои шаҳрвандони Тоҷикистон табодули афкор намуданд.
Ҳамзамон намояндагони Сафорат барои ташкил ва баргузории озмуни «Донишҷӯи сол — 2023» байни донишҷӯёни тоҷик, ки дар муассисаҳои таҳсилоти олии Федератсияи Русия таҳсил менамоянд, инчунин дастгирии Вазорати илм ва таҳсилоти олии Федератсияи Русия изҳори сипос намуданд.
Зимни мулоқот иттилоъ дода шуд, ки ҳамасола тибқи бурсияи ҷудошуда аз ҷониби Ҳукумати Федератсияи Русия, шаҳрвандони Тоҷикистон барои таҳсил дар риштаи бакалавриат ва магистратура ба донишгоҳҳои Русия қабул мешаванд. Шумораи донишҷӯён ва шунавандагон дар донишгоҳҳои мухталифи Русия, ба монанди Донишгоҳи давлатии Москва ба номи М. В. Ломоносов, Донишгоҳи молияи назди Ҳукумати Федератсияи Русия, Донишгоҳи давлатии Санкт-Петербург, Донишгоҳи давлатии Бошқирдистон, Донишгоҳи дӯстии халқҳои Русия, Донишгоҳи давлатии Пенза, Донишгоҳи иқтисодии Русия ба номи Георгий Плеханов ва ғайраҳо зиёд мушоҳида мешавад.
Намояндагони Вазорати илм ва таҳсилоти олии Федератсияи Русия ҷиҳати тақвият додани ҳамкорӣ дар баргузории ҳар гуна чорабиниҳо дар самти сиёсати дастгирии ҷавонон, доир намудани барномаҳои фарҳангию варзишӣ изҳори омодагӣ намуданд.
Дар маҷмуъ 28 728 шаҳрванди Ҷумҳурии Тоҷикистон ба ҳайси донишҷӯ дар Федератсияи Русия таҳсил менамоянд, ки нисбат ба соли 2022 550 нафар зиёд мебошад.
АКС: Сафорати Ҷумҳурии Тоҷикистон дар Федератсияи Русия
«ДУШАНБЕ–ШАҲРИ ҲУШМАНД». Дар пойтахт Ҳафтаи илм, технология, инноватсия ва ихтироъкории наврасону ҷавонон баргузор мешавад
Донишгоҳи славянии Русия ва Тоҷикистон барои омӯзгорони дурдаст ва кормандони вазорату идораҳо даврҳои омӯзиши забонҳои хориҷӣ мегузаронад
Омӯзгорони тоҷик дар Озмуни байналмилалии «Барои саҳми назаррас дар рушди илм» соҳиби ҷойи ифтихорӣ шуданд
Гулноз Аҳмадова дар олимпиадаи байналмилалии фаннӣ дар Донишгоҳи байналмилалии Самарқанд соҳиби медали тилло гардид
Ғолибони даври шаҳрии олимпиадаҳои фанни хонандагони муассисаҳои таълимии пойтахт дар соли 2024 муайян гардиданд
35-СОЛАГИИ ИСТИҚЛОЛИ ДАВЛАТӢ. Дар Донишгоҳи давлатии ҳуқуқ, бизнес ва сиёсати Тоҷикистон намоишҳо баргузор шуданд
Мутахассисони ҷавони ихтисоси омӯзгории Донишгоҳи байналмилалии забонҳои хориҷии Тоҷикистон ба кор ҷалб шуданд
БИСТСОЛАИ ОМӮЗИШ ВА РУШДИ ИЛМҲОИ ДАҚИҚ ВА РИЁЗӢ ДАР СОҲАИ ИЛМУ МАОРИФ. Дар Тоҷикистон ба ин фанҳо диққати бештар дода мешавад
«ПУЛИ ЗАБОНИ ЧИНӢ». Хонандаи тоҷик Ёқубҷон Ғуломов ғолиби озмун дониста шуд
Донишкадаи технология ва менеҷменти инноватсионӣ дар шаҳри Кӯлоб бо муассисаҳои олии касбии Узбекистон ҳамкориро тақвият медиҳад
Донишкадаи технология ва менеҷменти инноватсионӣ дар Кӯлоб бо якчанд муассисаи олии ҷаҳон созишномаи ҳамкорӣ ба имзо расонид
