Дар Суғд ба ҳамкорӣ бо ЮНИСЕФ дар бахшҳои маориф ва тандурустӣ таваҷҷуҳ зоҳир мешавад
ДУШАНБЕ, 28.01.2024 /АМИТ «Ховар»/. Дар шаҳри Хуҷанд мулоқоти Раиси вилояти Суғд Раҷаббой Аҳмадзода бо намояндаи ЮНИСЕФ дар Тоҷикистон Артур ван Дизен баргузор гардид. Дар ин хусус ба АМИТ «Ховар» дар Хадамоти матбуоти Раиси вилояти Суғд иттилоъ доданд.
Зимни мулоқот ба фаъолияти Хазинаи кӯдакони СММ (UNICEF) дар Тоҷикистон баҳои арзанда дода шуд. Хусусан оид ба фаъолияти созмон дар татбиқи лоиҳаҳои гуногун дар бахшҳои маорифу тандурустӣ изҳори қаноатмандӣ шуд.
Гуфта шуд, ки бо ташаббус ва дастгириҳои доимии Президенти Ҷумҳурии Тоҷикистон муҳтарам Эмомалӣ Раҳмон барои кӯдакону наврасон шароити зарурии таълиму тарбия, истироҳату фароғат фароҳам оварда шуда, ба ин қишри ҷомеа, ки ояндаи давлату миллат мебошад, таваҷҷуҳи зарурӣ зоҳир мешавад. Ҳамзамон давлат кӯдакону наврасонеро, ки бепарастор мондаанд, зери ҳимоят гирифта, мунтазам ба онҳо ғамхорӣ менамояд.
Дар ин раванд ҳамкорӣ бо ЮНИСЕФ натиҷабахш буда, саҳми ин ташкилот дар амалӣ намудани барномаҳои гуногун, аз ҷумла таъмини солимии кӯдакон, ғизои модару кӯдак, пешгирӣ ва табобати бемориҳои сироятӣ назаррас мебошад.
Намояндаи ЮНИСЕФ дар Тоҷикистон Артур ван Дизен иброз намуд, ки Хазинаи кӯдакони СММ (UNICEF) давоми солҳои фаъолият дар вилояти Суғд бо дастгирии мақомоти маҳаллӣ якчанд тадбирҳоро амалӣ намуд ва минбаъд низ барои рушди ҷомеа аз имконоти мавҷуда истифода мешавад.
Дар мулоқот пешниҳод гардид, ки минбаъд лоиҳаҳо дар самти баланд бардоштани сатҳи донишу хизматрасонии равоншиносон дар муассисаҳои таълимӣ ва томактабӣ, кор бо кӯдакони аз ҷиҳати равонӣ мушкилидошта татбиқ шаванд, барои баланд бардоштани ихтисоси кормандони идораҳое, ки бо кӯдакон кор менамоянд, машваратҳои омӯзишӣ баргузор гардида, марказҳои дастгирии модару кӯдак ва хона-интернатҳо дастгирӣ ёбанд.
АКС: Хадамоти матбуоти Раиси вилояти Суғд
Умед Бобозода ва Муҳаммад Рошид Ал-Амирӣ масоили ҳифзи ҳуқуқи инсонро баррасӣ намуданд
Бахшида ба ҷашни 35-солагии Истиқлоли давлатӣ дар шаҳри Душанбе барномаи фарҳангӣ доир шуд
Дар Душанбе ба муносибати Рӯзи кормандони соҳаи тиб ҳамоиши тантанавӣ баргузор гардид
Дар ноҳияи Восеъ бо иштироки Сарвазири Тоҷикистон иншооти иҷтимоӣ ва роҳҳои нав ба истифода дода шуданд
Эмомалӣ Раҳмон: «Ному осори Абуалӣ ибни Сино боиси сарфарозии тамоми инсоният гардидааст»
Эмомалӣ Раҳмон: «Саломатии аҳолӣ сарвати асосии давлат мебошад»
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
«ТАБЛИҒГАРОНИ ИСТИҚЛОЛ». Гурӯҳи тарғиботӣ — ташвиқотӣ дар ноҳияҳои Рӯдакӣ, Файзобод ва Шаҳринав дастовардҳои даврони соҳибистиқлолиро муаррифӣ намуд
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
