Дар Суғд бинои иловагии Маркази саратоншиносӣ сохта мешавад
ДУШАНБЕ, 16.01.2024 /. АМИТ «Ховар»/. Раиси вилояти Суғд бо сохтмони бинои иловагии Маркази саратоншиносӣ дар вилоят шинос гардид. Ин иншоот дар асоси дастуру ҳидоятҳои Пешвои миллат муҳтарам Эмомалӣ Раҳмон ва дар доираи корҳои созандагию ободонӣ ба истиқболи 35-солагии Истиқлоли давлатии Ҷумҳурии Тоҷикистон бунёд гардида, аз 6 ошёна иборат аст, хабар медиҳад АМИТ «Ховар» бо истинод ба Хадамоти матбуоти Раиси вилояти Суғд.
Бинои нав бо маблағгузории Мақомоти иҷроияи ҳокимияти давлатии
Вилояти Суғд сохта шуда, фармоишгар Идораи сохтмони асосии вилоят мебошад. Корҳои сохтмонӣ тибқи нақша идома дошта, барои босифат ва сари вақт иҷро намудани корҳо сохтмончиён муваззаф гардидаанд. Маркази саратоншиносӣ барои 150 кат бунёд гардида, дар он шуъбаҳои эҳё ва ҷарроҳӣ ҷойгир мешаванд.
Маркази саратоншиносии вилояти Суғд ба сокинони 18 шаҳру ноҳияи вилояти Суғд хизмат мерасонад. Беморхона дорои шуъбаҳои эҳё, муолиҷа, ҷарроҳӣ, муолиҷаи кимиёвӣ, табобати нурафканӣ буда, барои қабул, ташхису муоина ва пешгирии беморӣ мутахассисони баландихтисос, ки мунтазам дар давлатҳои пешрафта таҷриба меомӯзанд, фаъолият доранд.
Ба иттилои масъулин, саратоншинос ва мутахассиси соҳа Баҳром Ахмедов, ки айни ҳол дар Русия фаъолият дорад, тасмим гирифтааст, ки аз ҳисоби худаш якчанд дастгоҳу таҷҳизоти пешрафтаи тиббӣ дастрас гардонад. Раиси вилоят ба иқдоми Баҳром Ахмедов баҳои баланд дода, ҷиҳати иҷрои саривақтии корҳои сохтмонӣ ба масъулон дастуру суппоришҳои мушаххас дод.
Раиси вилоят ҳамзамон дар Маркази клиникавии эндокринологии вилояти Суғд бо лоиҳаи бинои нави марказ шинос шуд. Бинои иловагӣ бо маблағгузории Мақомоти иҷроияи ҳокимияти давлатии вилояти Суғд сохта шуда, аз панҷ ошёна ва таҳхона иборат аст.
АКС: Хадамоти матбуоти раиси вилояти Суғд
МО ҶАВОНЕМ, МО ҶАВОНЕМ, МО ҶАВОН! Дар Тоҷикистон зиёда аз 2 миллион нафарро ҷавонон ташкил медиҳанд
РИСОЛАТИ ТАЪРИХИИ ҲИЗБИ ХАЛҚИИ ДЕМОКРАТИИ ТОҶИКИСТОН ДАР ТАҲКИМИ ПОЯҲОИ ИСТИҚЛОЛИ ДАВЛАТӢ. Андешаҳо ба ифтихори 30-солагии таъсиси ҳизб
СОЛИ МАЪРИФАТИ ҲУҚУҚӢ. Расонидани ёрии ҳуқуқии ройгон ифодагари ғамхории Пешвои миллат нисбат ба мардуми Тоҷикистон аст
«СИФАТИ ХИЗМАТРАСОНИИ ТИББӢ». Доир ба беҳтар намудани кумаки статсионарӣ ба модарон, навзодон ва кӯдакон машғулият доир гардид
Давоми шабонарӯзи охир бар асари бориши шадид дар минтақаҳои гуногуни Тоҷикистон сел ба амал омад
Бахшида ба Рӯзи ҷавонони Тоҷикистон Вазири корҳои дохилӣ бо ҷавонони фаъол вохӯрӣ намуд
Директори Хазинаи байналмилалии асъор бо занони пешсафи тоҷик мулоқот намуд
МОҲВОРАИ ҶАВОНОН. Дар шаҳри Бохтар Фестивали бозиҳои миллӣ баргузор гардид
«МАКТАБИ СИЁСИИ ПЕШВОИ МИЛЛАТ». Таҳти чунин унвон конференсияи 4-уми байналмилалии илмӣ-амалӣ доир шуд
БАХШИДА БА РӮЗИ ҶАВОНОНИ ТОҶИКИСТОН. Дар ноҳияи Панҷ бо афсарону сарбозони қисмҳои ҳарбӣ вохӯрӣ доир гардид
Дар Душанбе масъалаи фарогирии умумӣ ба хизматрасонии тандурустӣ баррасӣ гардид
Дар Душанбе бо намояндагони созмонҳои байналмилалӣ оид ба коҳиши хатари офатҳои табиӣ мулоқот доир гардид
