Дар вилояти Хатлон масъалаи таъсиси корхонаҳои саноатии коркарди пӯст ва пашм баррасӣ шуд
ДУШАНБЕ, 30.01.2024. /АМИТ «Ховар»/. Зимни вохӯрии Раиси вилояти Хатлон Давлаталӣ Саид бо роҳбари Ҷамъияти масъулияти маҳдуди Ширкати технология ва савдои саноати кишоварзии «Фусин Синйида»-и Ҷумҳурии Мардумии Чин Гао Джонг Тао масъалаи таъсиси корхонаҳои саноатии коркарди пӯст ва пашм дар вилояти Хатлон баррасӣ шуд. Дар ин хусус ба АМИТ «Ховар» дар шуъбаи иттилоотию таҳлилии дастгоҳи Раиси вилояти Хатлон хабар доданд.
Таъкид шуд, ки муносибатҳои Тоҷикистон ва Чин дар марҳилаи кунунӣ бо суръат рушд меёбад. Бо мақсади баррасии маҷмуи муносибатҳои дуҷониба ва муайян намудани дурнамои рушди минбаъдаи онҳо Комиссияи байниҳукуматӣ оид ба рушди ҳамкорӣ байни Ҷумҳурии Тоҷикистон ва Ҷумҳурии Мардумии Чин бомуваффақият фаъолият дорад.
Раиси вилояти Хатлон иброз дошт, ки тақвият ва густариши робитаҳои корӣ бо ширкатҳои Чин яке аз самтҳои афзалиятноки фаъолияти иқтисодии хориҷӣ аст. «Мо ба бунёди муносибатҳои дарозмуддат, ки ба истифодаи самараноки иқтидори минтақаҳо мусоидат менамояд, манфиатдор ҳастем. Вилояти Хатлон рушди ҳамкории минтақавиро унсури муҳими рушди иқтисоду тиҷорат, ҷалби сармоя ва ҷорӣ намудани технологияҳои муосир медонад»,-баён дошт ӯ.
Иттилоъ дода шуд, ки дар вилояти Хатлон се минтақаи озоди иқтисодӣ — «Кӯлоб» (309,2 гектар) дар шаҳри Кӯлоб, «Данғара» (521 гектар) дар ноҳияи Данғара ва «Панҷ» (401 гектар) дар ноҳияи Ҷайҳун фаъолият менамоянд.
АКС: Шуъбаи иттилоотию таҳлилии дастгоҳи Раиси вилояти Хатлон
Дар Душанбе ҷаласаи дуюми Шурои кории Тоҷикистону Туркманистон баргузор гардид
НИШАСТИ МАТБУОТӢ. Соли равон тавассути ҳама намуди нақлиёт беш аз 76 миллион тонна бор ва 552 миллион мусофир интиқол дода шуд
Тавсеаи ҳамкорӣ байни Тоҷикистон ва Агентии давлатии ҳамкории байналмилалӣ ва рушди Чин баррасӣ шуд
НИШАСТИ МАТБУОТӢ. Дар 55 деҳа, маҳалла ва шаҳракҳои Тоҷикистон тадқиқоти муҳандисӣ-геологӣ анҷом дода шуд
Телевизиони «Синамо» силсилафилми ҳунарии «Нерӯи ишқ»-ро таҳия намуд
Сарвазири Тоҷикистон дар ноҳияҳои вилояти Хатлон бо рафти корҳои созандагӣ шинос гардид
Дар Душанбе масъалаи таъминоти сӯзишворӣ дар бозори истеъмолӣ ва танзими нархи он баррасӣ шуд
Ваколатдор оид ба ҳуқуқи инсон бо Раиси Кумитаи миллӣ оид ба ҳуқуқи инсони Давлати Қатар вохӯрӣ намуд
Лоиҳаи пеш аз асосноккунии техникӣ-иқтисодии сохтмони метро дар шаҳри Душанбе ҷамъбаст гардид
ОБЁРИИ ҚАТРАГӢ ЧӢ БАРТАРӢ ДОРАД? Шарҳи коршинос дар ин мавзуъ
Дар Тоҷикистон беш аз 14 ҳазор гектар шолӣ кишт карда шудааст
Хатсайри қатораи Душанбе – Москва — Душанбе пас аз 6 сол барқарор гардид
