Дар вилояти Суғд саноати кӯҳӣ-металлургӣ, нассоҷӣ ва коркард бештар рушд менамоянд
ДУШАНБЕ, 19.01.2024. /АМИТ «Ховар»/. Раиси вилояти Суғд Раҷаббой Аҳмадзода бо роҳбари ширкати илмӣ- истеҳсолии «Спирит»-и Федератсияи Русия Олег Люпак ва ҳайати ҳамроҳонаш вохӯрӣ намуд, иттилоъ медиҳад АМИТ «Ховар» бо истинод ба Хадамоти матбуоти Раиси вилояти Суғд.
Зимни вохӯрӣ масоили ҳамкории тарафайн ва густариши он баррасӣ шуда, аз талошу кӯшишҳои сарони ду давлат- Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Федератсияи Русия муҳтарам Владимир Путин дар самти густариши ҳамкории мутақобила ва зиёд намудани мубодилаи молу маҳсулот байни ду давлат ёд оварда шуд.
Таъкид гардид, ки вилояти Суғд водии имконият ба ҳисоб рафта, ҷиҳати рушди соҳаҳои иқтисодиву иҷтимоӣ дар вилоят якчанд барнома ва лоиҳаҳои хурду бузург амалӣ мешаванд. Дар вилоят ба пешрафти соҳаи саноат, ба кор андохтани хатҳои нави истеҳсолӣ, то ба коркарди ниҳоӣ расонидани ашёи хоми ватанӣ ва истеҳсоли маҳсулоти босифату ивазкунандаи воридот таваҷҷуҳи хосса зоҳир гардида, ҳамасола корхонаҳои нави саноатӣ фаъол гардонида мешаванд.
Дар вилояти Суғд асосан саноати кӯҳӣ-металлургӣ, нассоҷӣ, коркард ва ғайра рушд намуда, воридсозии технологияи нав имкон медиҳад, ки ин бахшҳои соҳа боз ҳам равнақ ёбанд.
Ширкати илмӣ-истеҳсолии «Спирит» аз ҷумлаи муассисаҳои бонуфузи Федератсияи Русия ба ҳисоб рафта, доираи фаъолияташ ҳамасола фарох мегардад. Ин ширкат асосан дар соҳаи саноати кӯҳӣ корҳои илмӣ-таҳқиқотӣ гузаронида, бо истифода аз технологияи муосир бо коркарди партовҳои боқимондаи корхонаҳои маъдан металлҳои қиматбаҳоро ҷудо менамояд.
Ширкат азм дорад, ки ояндаи наздик бо шарикони худ аз Тоҷикистон ҳамкорӣ намояд. Ҳамчунин ширкат дар омӯзонидани кадрҳо бо истифодаи технологияҳои нав саҳм гузошта, корҳои иктишофӣ – ҷустуҷӯӣ анҷом медиҳад.
АКС: Хадамоти матбуоти Раиси вилояти Суғд
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
