Эрон шумораи ҳалокшудагони ҳамлаҳои террористӣ дар шаҳри Кирмонро 84 нафар муайян намуд
ДУШАНБЕ, 05.01.2024 /АМИТ «Ховар»/. Вазири корҳои дохилии Эрон Аҳмад Воҳидӣ рӯзи панҷшанбе шумораи ҳалокшудагонро дар натиҷаи ду таркиш дар назди оромгоҳи собиқ фармондеҳи қисми махсуси Сипоҳи посдорони инқилоби исломӣ генерал Қосим Сулаймонӣ дар ҷанубу шарқи шаҳри Кирмон аз 95 то 84 нафар муайян намуд. Тавре АМИТ «Ховар» бо истинод ба агентии «Синхуа» иттилоъ медиҳад, дар ин хусус Агентии иттилоотии донишҷӯёни эронӣ хабар додааст.
Аҳмад Воҳидӣ иттилоъ дод, ки шумораи маҷруҳон 284 нафарро ташкил дода, 220 нафари онҳо дар беморхона бистарӣ ҳастанд, вазъи баъзеи онҳо дар шуъбаҳои эҳёгарӣ вазнин мебошад.
Ёдовар мешавем, ки чанде қабл, тақрибан соати 15:00 ба вақти маҳаллӣ бо фосилаи 20 дақиқа дар замоне, ки садҳо нафар дар оромгоҳи Қосим Сулаймонӣ дар шаҳри Кирмон ба хотири гиромидошти ӯ ҷамъ омада буданд, ду таркиш рух дод.
Азиза ИКРОМ,
АМИТ «Ховар»
АКС аз манбаъҳои боз
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
Имрӯз дар шаҳри Душанбе ҳаво то 36 дараҷа гарм мешавад
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
ҚУРБИ АСЪОР: 1 рубли русӣ аз 0.1000 то 0.1069 сомонӣ муқррар шудааст
Муассисаҳои таълимӣ ва тандурустии ноҳияи Шаҳринав ба зимистонгузаронӣ омода мебошанд
35 СОЛИ СОЗАНДАГӢ ВА РУШД ДАР ХАТЛОН. 55–60 фоизи ҳаҷми умумии маҳсулоти кишоварзии Тоҷикистон дар ин вилоят истеҳсол мешавад
МАНФИАТ ВА ХАВФҲОИ ИСТИФОДАИ ЗЕҲНИ СУНЪӢ. Мулоҳизаҳои профессор Сайфиддин Давлатзода дар ин мавзуъ
Дар вилояти Суғд ба фаъолони соҳаҳо мукофотҳои давлатии Ҷумҳурии Тоҷикистон супорида шуд
