Коллеҷи омӯзгории ба номи Хосият Махсумоваи шаҳри Душанбе бо Фонди аврупоӣ дар соҳаи маориф ҳамкорӣ менамояд

ДУШАНБЕ,20.01.2024/АМИТ «Ховар»/. Намояндагони Фонди аврупоӣ дар соҳаи маориф Надежда Солодянкина ва Кристина Хемшемайер меҳмони омўзгорон ва донишҷўёни Коллеҷи омӯзгории ба номи Хосият Махсумоваи Донишгоҳи давлатии омӯзгории Тоҷикистон ба номи Садриддин Айнӣ шуда, бо фаъолияти ин муассисаи таълимӣ аз наздик шинос гардиданд, хабар медиҳад АМИТ «Ховар» бо истинод ба Коллеҷи мазкур.

Ҳадафи асосии шиносоии намояндагони Фонди аврупоӣ дар соҳаи маориф бо фаъолияти Коллеҷи омӯзгории шаҳри Душанбе ҳамкории мутақобила намудан ва тақвият бахшидани он дар оянда мебошад.

Меҳмононро раёсати Коллеҷ бо дастовардҳо, биноҳои таълимӣ ва раванди таълим шинос намуд.

Намояндагони Фонди аврупоӣ дар соҳаи маориф ба фаъолияти муассиса баҳои баланд дода, дар бораи ҳамкории тарафайни минбаъда ибрози назар намуданд.

Дар идома рӯнамои фаъолияти гуногунҷабҳаи Коллеҷ ба шарикони рушд муаррифӣ гардида, доир ба ҳамкории дуҷониба дар ояндаи наздик аз ҷониби тарафайн мубодилаи афкор гардид.

АКС:Коллеҷи омӯзгории ба номи Хосият Махсумова