Муассисаҳои таҳсилоти томактабии №3 ва №4-и ноҳияи Файзобод таъмири пурра шуданд
ФАЙЗОБОД, 09.01.2024 /АМИТ «Ховар»/. Дар асоси Барномаи давлатии рушди таҳсилоти томактабӣ барои солҳои 2020-2025 муассисаҳои таҳсилоти томактабии №3 ва №4-и ноҳияи Файзобод аз ҳисоби гурӯҳи татбиқи Лоиҳаи «Инкишофи барвақтии кӯдакон барои густариши сармояи инсонӣ дар Тоҷикистон»-и Вазорати молияи Ҷумҳурии Тоҷикистон таъмири пурра шуданд. Дар ин хусус масъулини Мақомоти иҷроияи ҳокимияти давлатии ноҳияи Файзобод ба хабарнигори АМИТ «Ховар» Субҳониддини Маҳмуд иттилоъ доданд.
Ин муассисаҳо дар замони қабл аз истиқлоли давлатӣ бунёд шуда, ба таъмири пурра ниёз доштанд. Хушбахтона, бо дастгирии Ҳукумати Ҷумҳурии Тоҷикистон ин муассисаҳо таъмири пурра гардида, дар онҳо беҳтарин шароит барои таълиму тарбияи кӯдакон муҳайё шудааст.
Мудири ширхоргоҳ-кӯдакистони №4-и Ҷамоати деҳоти Вашгирд Тоҷинисо Меликова иброз дошт, ки «муассисаи мо аз ду бинои дуошёна иборат мебошад. Хушбахтона, системаи канализатсионии ин биноҳо барқарор ва болопӯши онҳо иваз гардид. Дохили ҳуҷраҳою беруни биноҳо пурра таъмир ва бо таҷҳизоти замонавӣ муҷаҳҳаз гардонида шуд. Пеш аз таъмири пурра дар кӯдакистон ҳамагӣ 85 кӯдак тарбия мегирифт, хушбахтона, баъди таъмир барои 200 кӯдак шароити таълиму тарбия муҳайё гардидааст».
Дар ноҳияи Файзобод 4 муассисаи томактабӣ фаъолият менамояд, ки дар он 467 кӯдак ба таълиму тарбия фаро гирифта шудааст. Дар марҳилаи дуюми амалишавии Лоиҳаи “Инкишофи барвақтии кӯдакон барои густариши сармояи инсонӣ дар Тоҷикистон” кӯдакистони №5- ноҳия таъмиру барқарор мешавад.
Ба истиқболи ҷашни 35-солагии Истиқлоли давлатӣ дар ноҳияи Файзобод бунёди зиёда аз 174 иншооти дорои аҳамияти ҷумҳуриявию маҳаллӣ ба нақша гирифта шудааст, ки аз ин шумора то имрӯз зиёда аз 87 иншоот ба истифода дода шуд.
Дар иншооти боқимонда, аз ҷумла дар биноҳои баландошёнаи истиқоматии маркази ноҳия, бинои маъмурии ҲХДТ дар ноҳия, сохтмони муҷассамаи шоҳ Исмоили Сомонӣ, бинои Кумитаи бехатарии озуқаворӣ дар ноҳия ва бинои шуъбаи маориф корҳои сохтмонӣ босуръат идома доранд.
АКС: АМИТ «Ховар»
Доир ба нақши Президенти Тоҷикистон дар рушди забони давлатӣ бо ҷавонони фаъоли ноҳияи Тоҷикобод вохӯрӣ баргузор шуд
Доир ба ташаббусҳои Тоҷикистон дар самти обу иқлим конфронси илмӣ-амалӣ баргузор шуд
ИСТИҚЛОЛИ ДАВЛАТӢ ВА РУШДИ ИЛМУ МАОРИФ ДАР ТОҶИКИСТОН. Таҳти чунин унвон конференсияи илмӣ-назариявӣ доир шуд
Дурнамои ҳамкории Донишгоҳи байналмилалии сайёҳӣ ва соҳибкории Тоҷикистон бо Бонки Осиёии Рушд баррасӣ гардид
Президенти Ҷумҳурии Тоҷикистон Эмомалӣ Раҳмон аз ҷараёни корҳои сохтмонӣ дар дигар мавзеъҳои сохтмони Неругоҳи «Роғун» боздид намуданд
Сарвари давлат Эмомалӣ Раҳмон бо ҷараёни корҳои сохтмонӣ дар cарбанди Неругоҳи «Роғун» шинос шуданд
САНАИ САРНАВИШТСОЗИ МИЛЛАТ. Эҳдо ба 35–солагии Истиқлоли давлатии Тоҷикистон
Хонандагони Тоҷикистон дар Олимпиадаи байналмилалии муҳандисӣ-кайҳонӣ сазовори ҷойи дуюм шуданд
ИСТИҚЛОЛИЯТ ВА РУШДИ МАОРИФ. Барои рушди ин соҳа дар Бадахшон зиёда аз 422 миллион сомонӣ пешбинӣ шудааст
Пешвои миллат Эмомалӣ Раҳмон дар Неругоҳи «Роғун» аз хобгоҳи бунёднамудаи ҶСК «Тоҷикгидроэлектромонтаж» боздид намуданд
Президенти Ҷумҳурии Тоҷикистон Эмомалӣ Раҳмон дар шаҳри Роғун ду иншооти дигарро ба таври фосилавӣ мавриди истифода қарор доданд
Сарвари давлат Эмомалӣ Раҳмон дар шаҳри Роғун бинои нави нозироти андози шаҳрро ифтитоҳ намуданд
