НИШАСТИ МАТБУОТӢ. Агентии хизмати давлатӣ сомонаҳои тамоми мақомоти давлатиро аз санҷиш мегузаронад
ДУШАНБЕ, 30.01.2024. /АМИТ «Ховар»/. Агентии хизмати давлатии назди Президенти Ҷумҳурии Тоҷикистон дар шашмоҳаи дуюми соли 2024 нақша дорад мониторинги сомонаҳои тамоми мақомоти давлатиро гузаронад. Дар ин хусус имрӯз Директори Агентӣ Ҷумъа Давлатов зимни нишасти матбуотӣ дар посух ба суоли мухбири АМИТ «Ховар» дар робита ба фаъолияти сомонаи ин ниҳод иттилоъ дод.
Гуфта шуд, ки то ба имрӯз аз ҷониби агентӣ ягон маротиба мониторинги сомонаҳо гузаронида нашуда, дар назар аст, ки сомонаҳои тамоми мақомоти давлатии мамлакат аз санҷиш гузаронида шаванд.
Бояд гуфт, ки бо қарори Ҳукумати Ҷумҳурии Тоҷикистон аз 10 июли соли 2017 Қоидаҳои ягона барои сомонаҳои расмии вазорату идораҳо, мақомоти иҷроияи маҳаллии ҳокимияти давлатӣ ва мақомоти худидоракунии шаҳрак ва деҳот дар шабакаи интернет қабул ва мавриди иҷро қарор дода шудаанд. Ҳадаф аз таҳия ва бо қарори Ҳукумати мамлакат қабул шудани Қоидаҳои ягона татбиқи Консепсияи ташаккули ҳукумати электронӣ дар Ҷумҳурии Тоҷикистон ва иҷрои Қонуни Ҷумҳурии Тоҷикистон «Дар бораи ҳуқуқи дастрасӣ ба иттилоот» мебошад.
Дар нишаст ҳамзамон иттилоъ дода шуд, ки барои баланд бардоштани сатҳи дониши хизматчиёни давлатӣ ва шаҳрвандон дар сомонаи Агентии хизмати давлатӣ саҳифаҳои «Санадҳои меъёрии ҳуқуқӣ», «Паёмҳои Президенти Ҷумҳурии Тоҷикистон», «Китобхона», «Консепсияҳо, стратегияҳо, барномаҳо», «Муроҷиатномаҳо», саҳифаи «Озмун дар мақомоти давлатӣ» ҷиҳати сари вақт дастрас намудани маълумот оид ба ҷойҳои холӣ дар мақомоти давлатӣ пешбинӣ шудаанд.
Тавре Директори агентӣ изҳор намуд, саҳифаи «Озмун дар мақомоти давлатӣ» аз серхонандатарин бахш дар сомона ба шумор рафта дар он ҳамарӯза эълонҳои нав гузошта мешаванд.
Иттилоъ дода шуд, ки теъдоди хонандагони сомонаи Агентӣ то 1 январи соли 2024 беш аз 65 ҳазор нафарро ташкил медиҳад.
Шаҳлои САДРИДДИН,
АМИТ «Ховар»
АКС: АМИТ «Ховар»
Аз 1 сентябр маоши вазифавии кормандони соҳаҳои маориф, илм, фарҳанг, варзиш, тандурустӣ ва муассисаҳои соҳаи ҳифзи иҷтимоӣ зиёд карда мешавад
35-СОЛАГИИ ИСТИҚЛОЛИ ДАВЛАТӢ. Дар деҳаи Руҳафзои ноҳияи Темурмалик 9 иншооти таъйиноти гуногун ифтитоҳ гардид
Дар Тоҷикистон ҳавои моҳи якуми фасли тирамоҳ то 1 дараҷа гарм пешгӯӣ мешавад
Бо иштироки Сарвазири Тоҷикистон маросими супоридани мукофот ва ҷоизаҳои давлатӣ ба намояндагони касбу кори гуногун баргузор шуд
ПУРСИДЕД, ҶАВОБ МЕДИҲЕМ. Аз соли 2027 шаҳрвандони хориҷӣ дар Федератсияи Русия кадом талаботи навро бояд риоя намоянд?
Оид ба нақши Пешвои миллат дар таҳкими истиқлолият ва рушди Тоҷикистони соҳибистиқлол ҳамоиш доир шуд
Муассисаҳои таҳсилоти ибтидоӣ ва миёнаи касбӣ ба соли нави таҳсил омода мебошанд
ОГОҲӢ! Аз 29 то 31 август дар баъзе минтақаҳои Тоҷикистон омадани селҳои маҳаллӣ пешгӯӣ мешавад
Самаранокии идоракунии молиявӣ бо намояндагони лоиҳаи Иттиҳоди Аврупо дар Тоҷикистон баррасӣ шуд
ИСТИҚЛОЛИЯТ, ҶАВОНӢ ВА СОЗАНДАГӢ. Дар Душанбе Форуми ҷумҳуриявии ҷавонон баргузор гардид
Байни муассисаҳои соҳаи тандурустии Тоҷикистону Қазоқистон се Ёддошти тафоҳум ба имзо расид
Дар шаҳри Левакант муассисаи давлатии таҳсилоти томактабӣ ба истифода дода шуд
