НИШАСТИ МАТБУОТӢ. Корхонаи воҳиди давлатии «Хоҷагии манзилию коммуналӣ»: Болоравии ҳаққи хизматрасонӣ бозбинӣ мешавад
ДУШАНБЕ, 29.01.2024 /АМИТ «Ховар»/. Дар айни замон нархномаи хизматрасонии таъминоти оби нӯшокӣ, рафъи партовобҳо, чарогоҳҳо ва полезӣ дар Корхонаи воҳиди давлатии «Хоҷагии манзилию коммуналӣ» чун пештара амалӣ шуда, болоравии арзиш аз ҷониби Хадамоти зиддиинҳисории мамлакат бозбинӣ мешавад. Дар ин хусус директори генералии корхона Усмон Давлатзода имрӯз зимни нишасти матбуотии ин ниҳод ба рӯзноманигорон иттилоъ дод.
Директори корхона иброз дошт, ки тарифҳои ҳаққи хизматрасонӣ вобаста ба партовҳои сахти маишӣ 1 октябри соли 2018 муайян шуда, то ба ҳол тибқи ин муқаррарот амалӣ мешаванд. Вобаста ба бозбинии тарифҳои ҳаққи хизматрасонӣ дар самти Корхонаи воҳиди давлатии «Хоҷагии манзилию коммуналӣ» ваколатдори давлатӣ дар самти бозбинӣ намудани ҳаққи хизматрасонӣ дар ҷумҳурӣ Хадамоти зиддиинҳисорӣ ба шумор меравад, ки ҳоло дар ҳолати бозбинӣ аст.
Аз ҷониби корхона пешниҳод гардидааст, ки ҳаққи хизматрасонӣ то 15-20 фоиз боло бурда шавад.
Иттилоъ дода шуд, ки соли 2023 аз тарафи кормандони корхонаҳои тобеи Корхонаи воҳиди давлатии «Хоҷагии манзилию коммуналӣ», воқеъ дар шаҳру ноҳияҳо ва деҳоти ҷумҳурӣ ба истифодабарандагон ба маблағи 207 млн сомонӣ хизмати гуногуни коммуналӣ расонида шудааст. Дар ин давра аз ҷониби корхона ба суратҳисоби мақомоти андози шаҳру ноҳияҳо ва деҳоти ҷумҳурӣ аз рӯи ҳамаи намуди андозҳо 47 млн 130 ҳазор сомонӣ ворид гардидааст.
Шаҳлои САДРИДДИН,
АМИТ «Ховар»
АКС: АМИТ «Ховар»
Қариб 200 миллион нафар дар ҷаҳон аз истеъмоли нокифояи йод азият мекашанд
Дар Душанбе омодасозии мутахассисони соҳаи тандурустӣ дар Осиёи Марказӣ баррасӣ гардид
Бахшида ба Рӯзи Президенти Тоҷикистон таҳти унвони «Тамаддуни ориёӣ» озмуни ҷумҳуриявӣ доир мешавад
Рустами Эмомалӣ ворид намудани тағйиру иловаҳо ба Қонун «Дар бораи маҳдуд намудани истифодаи маҳсулоти тамоку»-ро ҷонибдорӣ намуданд
Дар нуҳ моҳи соли равон 86 муассисаи КАТС ба истифода дода шуд
Байни Иттифоқи журналистони Тоҷикистон ва Ассосиатсияи Умумичинии журналистон Созишномаи ҳамкорӣ ба имзо расид
Дар Панҷакент Форуми ҷумҳуриявӣ ва даври ҷамъбастии озмуни «Беҳтарин оилаи ҳунарманд» доир шуд
МАСЛИҲАТИ МУТАХАССИС. Тарбуз, харбуза ва каду дар таркиби худ витамини C ва А бештар доранд
Масъалаи дастрасии аҳолии минтақаҳои дурдаст ба кумаки аввалияи тиббию санитарӣ баррасӣ шуд
Неругоҳҳои барқи обии «Норак» ва «Бойғозӣ» барои гузаронидани мавсими сармо омода мебошанд
Дар Душанбе нахустин Анҷумани саратоншиносон ва радиологҳои Тоҷикистон доир шуд
Тоҷикистон то имрӯз ба 11 конвенсияи байналмилалии муҳитизистӣ ҳамроҳ шудааст
