ОБОДИИ МАҲАЛ. Сокинони деҳаи Ғурёти шаҳри Ҳисор 2 километр роҳро мумфарш намуданд
ДУШАНБЕ, 20.01.2024 /АМИТ «Ховар»/. Дар доираи корҳои созандагию ободонӣ бахшида ба ҷашни 35-солагии Истиқлоли давлатии Ҷумҳурии Тоҷикистон сокинони деҳаи Ғурёти Ҷамоати деҳоти Навободи шаҳри Ҳисор 2 километр роҳи даромадгоҳи деҳаро мумфарш намуданд.
АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор иттилоъ медиҳад, ки шуруъ аз аввали соли 2024 сокинони деҳа бо мақсади таъмиру тармими роҳи деҳа ва чароғонкунии кӯчаҳои он ба ҳашар баромада, ноқилҳои фарсудаи сутунҳои интиқоли барқро иваз ва дар кӯчаҳои асосии деҳа чароғ насб намуданд.
Муовини Раиси шаҳри Ҳисор Бунафша Юлдошзода бо ҷараёни корҳои ободонӣ шинос гардида, ба сокинони деҳа барои ташаббускорӣ изҳори сипос намуда, гуфт, ки ободии Ватан аз ободии маҳалли зисти ҳар яки мо сар мешавад.
Номбурда барои боз ҳам ободу зебо намудани маҳали зист ва суръатбахшии раванди корҳои ободонию созандагӣ ба сокинон таъкид намуд, ки бо истифода аз рӯзҳои муносиби офтобии фасли зимистон дар тозаю озода нигоҳ доштани муҳити атроф, ҷўйю заҳбурҳо саҳмгузор бошанд.
Бояд тазаккур дод, ки дар Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ, ки 28 декабри соли 2023 пешниҳод гардид, Сарвари давлат таъкид намуданд, ки «табиати Тоҷикистони биҳиштосоямонро ба гулистон табдил диҳем, ободӣ ва тозагиву озодагиро аз ҳар хонаву кошона сар карда, то деҳоти дурдасттарин вусъат бахшем, тамоми қаламрави Ватанамонро хурраму сарсабз гардонем ва соҳиби фарҳангу тамаддуни бостонӣ будани худро ба ҷаҳониён собит намоем».
АКС: Мақомоти иҷроияи ҳокимияти давлатии шаҳри Ҳисор
РӮЗИ ФАРҲАНГИ НОҲИЯИ ШАҲРИНАВ. Ин чорабинӣ дар фазои идона баргузор шуд
РӮЗИ ФАРҲАНГИ НОҲИЯИ ПАНҶ. Деҳқонон беҳтарин маҳсулоти кишоварзиро пешниҳоди сокинону меҳмонони пойтахт намуданд
Корхонаи ғанигардонии мису қалъагӣ аз нав ба кор оғоз менамояд
Дар даври дуюми Озмуни ҷумҳуриявии «Тоҷикистон-Ватани азизи ман» 2677 довталаб иштирок менамояд
Варзишгоҳи марказии шаҳри Ваҳдат навсозӣ карда мешавад
Дар деҳаи Себистони ноҳияи Данғара майдончаи варзишӣ ба истифода дода шуд
Имрӯз дар пойтахт Рӯзҳои фарҳангии ноҳияҳои Спитамен, Шаҳринав ва Панҷ баргузор мегардад
РӮЗИ ФАРҲАНГИ НОҲИЯИ ҚУБОДИЁН. Барномаҳои рангини фарҳангиву фароғатӣ таваҷҷуҳи иштирокчиёнро ба худ ҷалб намуд
РӮЗИ ФАРҲАНГИ ШАҲРИ ТУРСУНЗОДА. Аз маҳсулоти кишоварзӣ то ҳунарҳои мардумӣ муаррифӣ гардид
35-СОЛАГИИ ИСТИҚЛОЛИ ДАВЛАТӢ. Дар Ҷамоати деҳоти Кангурти ноҳияи Темурмалик корҳои созандагию ободонӣ вусъат меёбанд
35-СОЛАГИИ ИСТИҚЛОЛИЯТИ ДАВЛАТӢ. Симои ноҳияи Дӯстӣ ба куллӣ дигаргун гардидааст
МАРҲАБО БА ТАНТАНАҲОИ ИСТИҚЛОЛ. Имрӯз дар пойтахт Рӯзҳои фарҳангии шаҳри Турсунзода ва ноҳияҳои Қубодиёну Рӯдакӣ баргузор мегардад
