ПАЁМИ ПРЕЗИДЕНТИ ТОҶИКИСТОН- РОҲНАМОИ ҶАВОНОН БА ФАРДОИ ОБОДУ ДУРАХШОН! Таҳти ин унвон дар Бӯстон ҳамоиш доир шуд
ДУШАНБЕ, 14.01.2024. /АМИТ «Ховар»/. Дар Мақомоти иҷроияи ҳокимияти давлатии шаҳри Бӯстон ҳамоиши ҷавонону варзишгарони шаҳри Бӯстон бо илҳом аз Паёми Президенти Ҷумҳурии Тоҷикистон ба Маҷлиси Олии ҷумҳурӣ баргузор гардид, ки дар он зиёда аз 200 ҷавони гуногункасб иштирок намуд. Дар ин хусус ба АМИТ «Ховар» дар Кумитаи кор бо ҷавонон ва варзиши назди Ҳукумати ҷумҳурӣ хабар доданд.
Ҳайати меҳмонон нахуст бо дастовардҳои олимони ҷавон ва донишҷӯёни Донишкадаи кӯҳию металлургии Тоҷикистон, омӯзгорони ҷавон ва хонандагони Мактаби президентӣ барои хонандагони болаёқат, муассисаҳои таълимии шаҳр ва муараббиёну варзишгарони муассисаи давлатии мактаби варзишӣ ва филиали Коллеҷи тарбияи ҷисмонии Тоҷикистон шинос шуда, бо ғолибон суҳбати гарму самимӣ анҷом доданд.
Раиси шаҳри Бӯстон Нигорахон Ғаффорзода оид ба дастгирии давлатии ҷавонон аз ҷониби Ҳукумати Ҷумҳурии Тоҷикистон зери роҳбарии Президенти Тоҷикистон муҳтарам Эмомалӣ Раҳмон ва фароҳам намудани шароити мусоиди кору зиндагӣ барои онҳо ибрози назар намуд.
Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода аз дастгирии давлатии ҷавонон зери роҳбарии Сарвари оқилу ҷавонпарвари мамлакат муҳтарам Эмомалӣ Раҳмон, қабули санадҳои меъёриву ҳуқуқии танзимкунандаи марбут ба ҳаёти ҷавонон, муқаррар намудани имтиёз ва дигар тадбирҳо ба ин қишри ҷомеа, нақши ҷавонон дар тарғиби ғоя ва арзишҳои миллӣ, ҳимояи марзҳои муқаддаси Ватан, рушди босуботи иқтисодиву иҷтимоӣ ва амалӣ намудани нақшаву барномаҳои давлатдории навини миллӣ сухан гуфт.
Раиси Кумита бо такя ба дастгирии давлатии ҷавонон аз ҷониби Ҳукумати Ҷумҳурии Тоҷикистон аз ҷавонону варзишгарон ва сарбозон ҷиҳати аз даст надодани зиракии сиёсӣ, аз бар намудани илму донишҳои замони муосир, баланд бардоштани ифтихори ватандӯстӣ, ваҳдату ҳамзистӣ, саҳмгузорӣ дар амалӣ намудани нақшаву барномаҳои давлатӣ ҷиҳати вусъати корҳои ободониву созандагӣ ба истиқболи ҷашнҳои бузурги миллӣ, аз ҷумла 35-солагии Истиқлоли давлатии Ҷумҳурии Тоҷикистон даъват ба амал овард.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Ҳамкории Академияи миллии илмҳои Тоҷикистон ва Раёсати илм ва технологияи ноҳияи мухтори Шинҷон-Уйғур густариш меёбад
Намояндаи Кумитаи бехатарии озуқавории Тоҷикистон дар иҷлосияи Кумитаи амнияти озуқавории ҷаҳонӣ дар Рим иштирок намуд
ЛОЛА ВА СИЁҲГӮШ: Аз мероси табиат то рамзи худшиносии миллӣ
Форуми илмии байналмилалии «Илмҳои геологии Осиёи Марказӣ – 2026» доир гардид
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
«ТОҶИКОНА МЕПӮШЕМ!». Дар Донишгоҳи давлатии Бохтар иқдоми ҷумҳуриявӣ доир шуд
ПУРСИДЕД, ҶАВОБ МЕДИҲЕМ. Кадом қонуншиканиҳо метавонанд боиси ихроҷи муҳоҷирони тоҷик аз Русия гарданд?
ДАР ПАЙРАВӢ БА ИҚДОМҲОИ ПЕШВОИ МИЛЛАТ. Дар ноҳияи Рашт ба 80 оилаи ниёзманд ангишт кумак карда шуд
Дар ноҳияи Файзобод китобхона, кӯдакистон ва синфхонаҳои иловагӣ ба истифода дода шуданд
Нақшаи буҷети суғуртаи иҷтимоӣ ва нафақа дар вилояти Суғд беш аз 100 фоиз иҷро гардид
ИМРӮЗ–РӮЗИ ИТТИФОҚҲОИ КАСАБА. Беш аз 15 ҳазор аъзои иттифоқи касаба ба солимгардонӣ фаро гирифта шуданд
Бахшида ба Рӯзи байналмилалии бабри барфӣ дар Хоруғ конфронси илмӣ-амалӣ доир шуд
