Раёсати сохтмони асосии вилояти Хатлон дар минтақаи Кӯлоб 5 иншоотро мавриди истифода қарор дод
КӮЛОБ, 30.01.2024 /АМИТ «Ховар»/. Раёсати сохтмони асосии вилояти Хатлон дар минтақаи Кӯлоб соли 2023 сохтмони якчанд иншооти дорои таъйиноти гуногунро ба нақша гирифтааст, ки аз он 13 иншоот дар соҳаи маориф, 3 иншоот дар бахши ҳокимияти давлатӣ, соҳаи тандурустӣ, соҳаи фарҳанг ва як иншоот дар соҳаи коммуналӣ мебошад. Аз ин шумора 5 иншоот пурра мавриди баҳрабардорӣ қарор дода шуд. Дар ин хусус сардори Раёсати сохтмони асосии вилояти Хатлон дар минтақаи Кӯлоб Аскар Соҳибзода зимни нишасти матбуотӣ иттилоъ дод.
Гуфта шуд, ки аз иншооти нақшавӣ дар навбати якум мактаб барои 640 хонанда дар деҳаи Сангпари Ҷамоати Зиракии шаҳри Кӯлоб бо иштироки Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мавриди баҳрабардорӣ қарор гирифт.
Инчунин сохтмони навбати якуми хати интиқоли неруи барқи 10/04 квт дар деҳаи Роғиёни Ҷамоати деҳоти Шамсиддини Шоҳин ва деҳаи Шамсиддин Сафаров бо иқтидори 5,2 км хати барқи 10/0,4 квт, навбати якуми Қасри фарҳанги деҳаи Хуррамзамини ноҳияи Фархор, сохтмони бунгоҳи тиббӣ дар деҳаи Таги ҷари ноҳияи Ховалинг ва сохтмони мактаб барои 200 хонанда дар деҳаи Дараи Боҳтури ноҳияи Балҷувон мавриди истифода қарор дода шуданд.
Дар айни замон дар бинои Донишкадаи такмили ихтисос ва бозомӯзии кадрҳои омӯзгории ноҳияҳои минтақаи Кӯлоб корҳои бетонрезӣ, гузоштани плитаҳои яклухт ва оҳану бетонии ошёнаи сеюми бино идома доранд.
Аскар Соҳибзода дар идомаи нишасти хабарӣ афзуд, ки дар айни замон дар сохтмони мактаби №10-и деҳаи Тудании ноҳияи Шамсиддини Шоҳин корҳои хиштчинӣ, бетонрезии сутунпояҳои бинои толори варзишӣ ба анҷом расида, ба ободонии атрофи бинои таълимӣ шуруъ намудаанд.
Соли 2024 дар нақша аст, ки ду деҳаи навбунёди Ҷамоати деҳоти ноҳияи Шамсиддини Шоҳин бо барқ пурра таъмин гардида, боми бинои маъмурии Ҷамоати деҳоти ноҳияи Фархор пӯшонида шавад.
АКС: АМИТ «Ховар»
Пешвои миллат Эмомалӣ Раҳмон бинои шуъбаи бозрасии давлатии автомобилии раёсати ВКД дар шаҳри Душанберо ифтитоҳ намуданд
Дар ноҳияи Бобоҷон Ғафуров сохтмони иншооти соҳаи маориф ва саноат идома дорад
Дар шаҳри Ҳисор Мактаби бачагонаи санъат ва майдончаи варзишӣ ба истифода дода шуданд
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
