Сада таҷассумгари анъанаҳои миллӣ мебошад
ДУШАНБЕ, 30.01.2024 /АМИТ «Ховар»/. «Сада-таҷассумгари анъанаҳои миллӣ»- таҳти чунин унвон имрӯз дар Осорхонаи миллии Тоҷикистон ба ифтихори яке аз ҷашнҳои бостонӣ- Сада ҳамоиши ҷумҳуриявии илмӣ-назариявӣ баргузор гардид. Дар ин хусус ба АМИТ «Ховар» сардори шуъбаи методӣ ва тайёр намудани кадрҳои илмии Осорхонаи миллӣ Алишер Зарипоф иттилоъ дод.
Дар ҳамоиши илмӣ директори Осорхонаи миллӣ Зафаршо Иброҳимзода, академики Академияи миллии илмҳои Тоҷикистон Юсуфшоҳ Яъқубов, намояндаи доимии Ҷумҳурии Тоҷикистон дар назди Созмони Милали Муттаҳид оид ба масоили маориф, илм ва фарҳанг (ЮНЕСКО) Дилшод Раҳимӣ ва дигар олимону бостоншиносон иштирок намуданд.
Дар ҳамоиши ҷумҳуриявии илмӣ-назариявӣ олимону пажуҳишгарон дар мавзуъҳои «Сада – ҷашни бузургдошти оташу Офтоб», «Тафовути ҷашни Сада аз дигар ҷашну маросими миллӣ», «Анъанаҳои ҷашни Сада дар кӯҳистони Тоҷикистон то солҳои 80-уми аср XX», «Ҷашни Сада дар ашъори шоирони форсу тоҷик», «Ҷашни Сада ва эҳёи он дар замони истиқлолият» ва «Боқимондаҳои ҷашни Сада дар минтақаҳои кӯҳистон» маъруза намуданд.
Таъкид шуд, ки маҳз дар солҳои Истиқлоли давлатии Ҷумҳурии Тоҷикистон бо саъю талошҳои Ассосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар радифи дигар ҷашнҳои бостонӣ Сада эҳё гардид.
Ин ид аввалин маротиба дар замони соҳибистиқлолӣ 30 январи соли 2018 ба таври расмӣ дар мамлакат таҷлил гардид. Таърихи ҷашни Сада куҳан ва тӯлонӣ мебошад. Эҳёи ин ҷашни қадимии ниёгон василаи муттаҳидкунӣ дошта, мардумро ба тозаю озода нигоҳ доштани муҳити зист ва омодагӣ ба кишту кор ҳидоят менамояд. Ҳамзамон Садаро ҷашни гармии меҳр ва оғози рӯйдодҳои нави зиндагӣ арзёбӣ менамоянд.
Бояд тазаккур дод, ки дар ҷаласаи 18-уми Кумитаи байниҳукуматии ҳифзи мероси фарҳангии ғайримоддии ЮНЕСКО, ки соли 2023 дар шаҳри Касанеи Ҷумҳурии Ботсвана доира гардид, аз ҷониби ЮНЕСКО ҷашни Сада муштарак бо Эрон ба Феҳристи мероси фарҳангии ғайримодии башарият пазируфта шуд.
АКС: Осорхонаи миллии Тоҷикистон
Таҳти унвони «Меандешам пас ҳастам» намоиши осори Рассоми халқии Тоҷикистон Сӯҳроб Қурбонов оғоз гардид
Дар Фестивали байналмилалии «Интермузей. БРИКС+» густариши ҳамкорӣ байни осорхонаҳо баррасӣ шуд
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
Дар Донишкадаи санъати тасвирӣ ва дизайни Тоҷикистон даврҳои омӯзишии «Эбру», 3D ва колиграфия ифтитоҳ шуданд
«ЗЕБОИИ ТОҶИКИСТОН–МЕРОС БАРОИ ОЯНДА». Дар Бишкек намоишгоҳи санъати тасвирии Тоҷикистон ифтитоҳ ёфт
