«ШОҲНОМА» ТАҲИЯ ВА НАШР МЕШАВАД. Доир ба он дар Институти забон ва адабиёти ба номи Рӯдакӣ ҷаласаи корӣ баргузор шуд
ДУШАНБЕ, 19.01.2024 /АМИТ «Ховар»/. Дар Институти забон ва адабиёти ба номи Рӯдакӣ бо иштироки Президенти Академияи миллии илмҳои Тоҷикистон Қобилҷон Хушвахтзода ҷиҳати таҳия ва нашри мукаммали «Шоҳнома»-и Абулқосим Фирдавсӣ ҷаласа баргузор шуд. Дар ин хусус АМИТ «Ховар» бо истинод ба ин институт хабар медиҳад.
Президенти Академияи миллии илмҳо бо раванди таҳияи матни мукаммали «Шоҳнома»-и Фирдавсӣ шинос шуда, дар заминаи таҳияву такмили босифати матни «Шоҳнома» тибқи дастуру супоришҳои Президенти мамлакат муҳтарам Эмомалӣ Раҳмон тавсия ва пешниҳодҳои мушаххас манзур намуд.
Қобилҷон Хушвахтзода омодагии Раёсати Академияро ҷиҳати фароҳам сохтани шароиту имконоти зарурӣ дар раванди таҳияи матни «Шоҳнома»-и Фирдавсӣ ва мусоидат ба суръат бахшидан барои таҳияи ин шоҳасари миллӣ ба гурӯҳи корӣ баён дошт.
Дар ҷаласа директори Институти забон ва адабиёти ба номи Рӯдакӣ Фарангис Шарифзода дар масъалаи ҷараёни таҳияи матни мукаммали «Шоҳнома»-и Фирдавсӣ гузориш пешниҳод намуд.
Тасмим гирифта шуд, ки гурӯҳи корӣ бо диққати комил ва муқоисаи чор нусхаи маъруфи «Шоҳнома» матни муътабари ин шоҳкори адабӣ ва ҳамосиро ба нашр омода намояд.
Ёдовар мешавем, ки 5 декабри соли 2023 Президенти Ҷумҳурии Тоҷикистон муҳтарам Эмомалӣ Раҳмон зимни суханронӣ дар Симпозиуми байналмилалӣ ба ифтихори 115-солагии академик Бобоҷон Ғафуров дастур доданд, ки ба хотири огоҳии ҳарчи бештари мардум аз таъриху фарҳанг ва тамаддуни аҷдодон «Шоҳнома»-и безаволи Абулқосим Фирдавсӣ нашр ва ба тамоми мардуми ҷумҳурӣ дастрас шавад.
АКС: Институти забон ва адабиёти ба номи Рӯдакӣ
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
Дар шаҳри Душанбе маҳфили «Шоҳномахонӣ» баргузор шуд
«ТОҶИ СОМОН». Қабули филмҳо барои иштирок дар синамоҷашнвораи миллӣ то 15 сентябр идома меёбад
