Шумораи ҳалокшудагони заминларза дар Ҷопон ба 213 нафар расид
ДУШАНБЕ, 12.01.2024 /АМИТ «Ховар»/. Шумораи ҳалокшудагон дар натиҷаи силсилазаминларзаҳои шадид, ки дар нимҷазираи Нотои Ҷопон дар соҳили баҳри Ҷопон ба амал омаданд, ба 213 нафар расид. Дар ин хусус АМИТ «Ховар» бо истинод ба агентии иттилоотии ТАСС хабар медиҳад.
52 нафар то ҳол ба рӯйхати бедаракшудагон шомил мебошанд, хадамоти таъҷилӣ наметавонанд бо онҳо тамос гиранд, то макони ҷойгиршавии онҳоро тасдиқ намоянд. Тибқи маълумоти охирин, шумораи захмиён 567 нафарро ташкил медиҳад.
Аз ҳама бештар бар асари офати табиӣ префектураи Исикава зарар дидааст: дар он ҷо 1 370 хона пурра ё қисман вайрон гардида, сӯхторҳо зиёда аз 300 биноро нобуд намудаанд. Тибқи маълумоти кормандони соҳаи барқ, дар минтақа 13,5 ҳазор хона бе равшанӣ мондаанд.
Хадамоти наҷотдиҳии Ҷопон корҳои барқарорсозӣ, аз ҷумла таъмири роҳҳоро анҷом медиҳанд, то дастрасӣ ба аҳолии маҳаллӣ таъмин гардад.
Азиза ИКРОМ,
АМИТ «Ховар»
АКС аз манбаъҳои боз
Дар хоҷагиҳои шаҳри Ҳисор ҷамъоварии ҳосили пахта оғоз гардид
Имрӯз дар шаҳри Душанбе ҳаво то 33 дараҷа гарм мешавад
35 СОЛИ ИСТИҚЛОЛИ ДАВЛАТИИ ТОҶИКИСТОН. Дар ин давра соҳаи обуҳавошиносӣ марҳила ба марҳила рушд намуд
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
