ТАҚВИМИ АМИТ «ХОВАР»: имрӯз 21 январ, якшанбе, 21-умин рӯзи соли 2024 аст

21 январи соли 2011 бо Фармони Президенти Ҷумҳурии Тоҷикистон Хадамоти муҳоҷирати назди Ҳукумати Ҷумҳурии Тоҷикистон таъсис дода шуд.

***

13 сол пеш, 21 январи соли 2011 дар Остона, дар  Донишгоҳи миллии санъати Қазоқистон ҷаласаи дуюми Шурои ректорони консерваторияҳои Иттиҳоди Давлатҳои Мустақил баргузор гардид.

***

Соли 2014 дар пойтахти Ҷумҳурии Мардумии Чин- шаҳри Пекин ҷаласаи якуми раёсати Шурои расмии Созмони ҳамкории Шанхай доир гардид. Дар ҷаласа роҳбарони қисмҳои миллии Шурои расмии давлатҳои иштирокчии СҲШ- Тоҷикистон, Русия, Чин, Қирғизистон, Қазоқистон ва Узбекистон иштирок намуданд.

***

21 январи соли 2014 Сарвазири Ҷумҳурии Тоҷикистон Қоҳир Расулзода бо ҷараёни корҳои соҳилмустаҳкамкунӣ дар минтақаҳои наздисоҳилии  шаҳри Кӯлоб ва ноҳияи Восеи вилояти Хатлон шинос шуд.

***

21 январи соли 2016 ВАО хабар доданд, ки дастаҳои футболи Испания — «Реал»ва «Барселона», инчунин «Манчестер Юнайтед»-и Англия дар соли 2015 зиёда аз 500 миллион евро ба даст овардаанд.

***

7 сол пеш, 21 январи соли 2017 Президенти Тоҷикистон муҳтарам Эмомалӣ Раҳмон дар робита ба хабари ҳузнангези ба ҳалокат расидан ва ҷароҳат бардоштани шаҳрвандони Венгрия, аз ҷумла, кӯдакону наврасон бар асари садамаи воситаи нақлиётӣ дар Италия ба Президенти Венгрия Янош Адер барқияи таслият ирсол намуданд.

***

Дар ин рӯзи соли 2018 Президенти Тоҷикистон муҳтарам Эмомалӣ Раҳмон бо Раиси шаҳри Душанбе Рустами Эмомалӣ дар Боғи Наврӯзгоҳи пойтахт дарахтони нодири сояафкану ороишӣ шинонида, ба маъракаи ниҳолшинонӣ ва вусъати корҳои ободонию сабзазоркунӣ ва сабзу хуррам гардонидани муҳити атроф ҳусни оғоз бахшиданд.

 21 ЯНВАР:

Дар Лаҳистон – Рӯзи бибӣ (модаркалон).

***

Дар Беларус — Рӯзи қӯшунҳои муҳандисӣ.