Тоҷикистон ҳамкориро дар соҳаи саноат бо Италия ва Уммон тақвият мебахшад

ДУШАНБЕ, 12.01.2024 /АМИТ «Ховар»/. Дар ҳошияи Форуми байналмилалии маъданҳо, ки дар Риёз –пойтахти Шоҳигарии  Арабистони Саудӣ баргузор гардид, Вазири саноат ва технологияҳои нави Ҷумҳурии Тоҷикистон Шералӣ Кабир бо вазири ҳифзи муҳити зист ва амнияти энергетикии Италия  Джилберто Пикетто-Фратин мулоқот намуд. Дар ин хусус АМИТ «Ховар» бо истинод ба Сафорати Ҷумҳурии Тоҷикистон дар Шоҳигарии Арабистони Саудӣ иттилоъ медиҳад.

Мусоҳибон масъалаҳои марбут ба таҳкими ҳамкорӣ дар соҳаҳои саноат байни  Тоҷикистон ва Италияро баррасӣ намуданд.

Ҳамзамон Вазири саноат ва технологияҳои нави Ҷумҳурии Тоҷикистон дар доираи  Форуми байналмилалии маъданҳо дар Риёз бо муовини вазири энергетика ва маъданҳои давлати Уммон Муҳсин Ал-Ҳадрамӣ мулоқот намуд, ки зимни он дурнамои ҳамкории ду давлат дар соҳаҳои саноат ва коркарди маъдан баррасӣ шуд.

АКС: Сафорати Ҷумҳурии Тоҷикистон дар Шоҳигарии Арабистони Саудӣ