Тоҷикистон ва Бонки исломии рушд ҳамкории судмандро густариш медиҳанд
ДУШАНБЕ, 31.01.2024 /АМИТ «Ховар»/. Вазири рушди иқтисод ва савдои Тоҷикистон, мудири кишварии Гурӯҳи Бонки исломии рушд аз Тоҷикистон Завқӣ Завқизода бо ҳайати Бонки исломии рушд (БИР) таҳти роҳбарии Директори минтақавии Бонки исломии рушд дар Осиёи Марказӣ Иброҳим Шукрӣ вохӯрӣ намуд, ки зимни он ҷонибҳо барои боз ҳам густариш додани ҳамкории мутақобилан судманд изҳори омодагӣ намуданд, хабар медиҳад АМИТ «Ховар» бо истинод ба Вазорати рушди иқтисод ва савдо.
Ҷонибҳо натиҷаҳои вохӯрии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо Президенти Гурӯҳи Бонки исломии рушд Муҳаммад Сулайман Ал-Ҷассерро дар таърихи 11 ноябри соли 2023 пайгирӣ намуда, самтҳои афзалиятноки ҳамкории дуҷониба, аз ҷумла сармоягузорӣ дар соҳаҳои иқтисоди рақамӣ ва «сабз», энергетика, нақлиёт, кишоварзӣ, обёрӣ, тандурустӣ ва маорифро мавриди муҳокима қарор доданд.
Иброҳим Шукрӣ иттилоъ дод, ки аз рӯи натиҷаи вохӯрии Президентҳо Бонки исломии рушд барои лоиҳаи сохтмони Неругоҳи барқи обии «Роғун» 250 млн доллар ҷудо намуда, барои зиёд намудани ин маблағ кор мебарад.
Ҳамзамон бо маблағгузории Бонки исломии рушд амалишавии лоиҳаҳои «Дастгирии татбиқи Стратегияи миллии рушди соҳаи маориф» ба маблағи 86 млн доллар, «Сохтмону таҷдиди роҳи мошингарди Гулистон – Фархор – Панҷ – Дустӣ» ба маблағи 41 млн доллар пешбинӣ шудааст.
То имрӯз аз ҷониби Гурӯҳи Бонки исломии рушд лоиҳаҳои сармоягузорӣ ба маблағи 633 миллион доллар дар соҳаҳои гуногуни иқтисоди Ҷумҳурии Тоҷикистон ҷудо гардидаанд.
Ҳоло 5 лоиҳаи Гурӯҳи Бонки исломии рушд дар ҳаҷми умумии 231 миллион доллар мавриди амал қарор дошта, 4 лоиҳаи дигар ба маблағи 391 миллион доллар пешбинӣ шудааcт.
АКС: Вазорати рушди иқтисод ва савдои Ҷумҳурии Тоҷикистон
Дар ноҳияҳои Тоҷикобод ва Лахш оид ба пешгирии амалҳои коррупсионӣ вохӯриҳо баргузор шуданд
Тоҷикистон ва Қатар ҳамкориро дар самти фаъолияти хайриявӣ ва башардӯстона тақвият медиҳанд
Форум оид ба алоқаи мобилии насли панҷум– 5G баргузор шуд
СТРАТЕГИЯИ РУШДИ ИҚТИСОДИ «САБЗ». Дар доираи амали он беш аз 500 ҳазор ҳисобкунаки электронии барқ насб гардидааст
Ҷаласаи навбатии Шурои ҷамъиятиву машваратӣ доир ба фаъолияти гумрукӣ баргузор шуд
Кишоварзони Ваҳдат имсол ҳаҷми умумии маҳсулотро ба беш аз 1 миллиарду 689 миллион сомонӣ расониданд
Дар Душанбе Форум оид ба алоқаи мобилии насли панҷум–5G баргузор мегардад
Дар Душанбе ҷаласаи 48-уми Шурои маъмурии Ташкилоти патентии Авруосиё доир шуд
Ҷаласаи 20 – уми Комиссияи байниҳукуматии Тоҷикистону Қазоқистон оид ба ҳамкории иқтисодӣ баргузор мешавад
Дар ноҳияи Мастчоҳ ҷамъоварии ҳосил ва кишти тирамоҳӣ идома дорад
Дар Тоҷикистон истеҳсоли моҳӣ беш аз 5 фоиз зиёд шудааст
ЗАНБӮРИАСАЛПАРВАРӢ. Занбӯрҳо гардолудкунандаи асосии растаниҳо ва дарахтони мевадор мебошанд
