Вакилони Маҷлиси намояндагон ба интихобкунандагон дар ноҳияи Шоҳмансур нуктаҳои муҳими Паёми Президенти Тоҷикистонро расониданд
ДУШАНБЕ, 30.01.2024 /АМИТ «Ховар»/. Имрӯз дар ноҳияи Шоҳмансури шаҳри Душанбе раиси кумитаи Маҷлиси намояндагони Маҷлиси Олии Ҷумҳурии Тоҷикистон оид ба корҳои байналмилалӣ, иттиҳодияҳои ҷамъиятӣ ва иттилоот Саидмурод Фаттоҳзода ва вакили Маҷлиси намояндагон Фозил Обидзода бо интихобкунандагон мулоқот намуда, ба онҳо нуктаҳои асосии Паёми Президенти Ҷумҳурии Тоҷикистон муҳтарам Эмомалӣ Раҳмонро ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» расониданд.
Вакилон иброз намуданд, ки мақсади Ҳукумати Ҷумҳурии Тоҷикистон, тавре ки аз Паём ба Маҷлиси Олӣ бармеояд, пеш аз ҳама, таъмини зиндагии шоиста барои ҳар сокини мамлакат мебошад.
Бинобар ин моро зарур аст, ки барои нигоҳдории суръати пешрафт, инчунин ба хотири таъмин намудани рушди минбаъдаи устувори иқтисоди миллӣ ва дар ин замина баланд бардоштани сатҳу сифати зиндагии аҳолии ҷумҳурӣ омилҳои зарурӣ ба инобат гирифта шаванд.
Вакилони Маҷлиси намояндагон ҳамчунин иброз намуданд, ки мақоми олии намояндагӣ ва қонунгузории мамлакат ҳамчун яке аз шохаҳои ҳокимияти давлатӣ ҷиҳати ноил шудан ба дастовардҳои муҳим ва фароҳам овардани заминаи ҳуқуқӣ баҳри эъмори ҷомеаи демократию ҳуқуқбунёд нақши равшан дорад.
Дар давраи сипаришуда ташаббусҳои қонунгузории вакилон ба татбиқи ҳарчи зудтари ҳадафҳои стратегии давлат-таъмини истиқлолияти энергетикӣ, аз бунбасти коммуникатсионӣ раҳонидани мамлакат ва ҳифзи амнияти озуқавории ҷумҳурӣ, ҳамчунин ба таҳкими минбаъдаи иқтидори давлат ва беҳтар гардидани сатҳу сифати зиндагии мардум равона шудаанд.
Дар анҷоми мулоқот вакилон Саидмурод Фаттоҳзода ва Фозил Обидзода ба саволҳои сершумори интихобкунандагон посух гуфтанд.
Мулоқоту суҳбатҳои вакилони Маҷлиси намояндагон дар вилоятҳои Хатлон, Суғд, Бадахшон ва ноҳияҳои тобеи ҷумҳурӣ идома доранд.
АКС: Маҷлиси намояндагони Маҷлиси Олии Ҷумҳурии Тоҷикистон
Созишнома байни Ҳукумати Тоҷикистон ва Ҳукумати Амороти Муттаҳидаи Арабӣ оид ба алоқаи ҳавоӣ қабул гардид
Доир ба рушди дипломатияи парламентӣ дар даврони соҳибистиқлолии Тоҷикистон ҳамоиш баргузор шуд
Ҳамкории байнипарламентии Тоҷикистон ва Қазоқистон тақвият меёбад
Мавсума Муинӣ: «Мавқеъ ва саҳми занон дар дипломатияи парламентии Ҷумҳурии Тоҷикистон намоён аст»
Ҷаласаи ғайринавбатии Шурои Маҷлиси намояндагони Маҷлиси Олӣ баргузор гардид
Кумитаи доимии Ассамблеяи парлумонии Осиё Қатънома оид ба фарҳанги истифодаи оқилонаи захираҳои обро қабул намуд
Кумитаи доимии Ассамблеяи парлумонии Осиё Қатънома оид ба таҳкими фарҳанги сулҳ, таҳаммулпазирӣ ва эҳтироми арзишҳои фарҳангии миллатҳоро қабул намуд
Файзалӣ Идизода бо Котиби генералии Ассамблеяи парламентии Осиё Муҳаммадризо Маҷидӣ вохӯрӣ намуд
26 СЕНТЯБР — РӮЗИ МАҶЛИСИ ОЛӢ — ПАРЛАМЕНТИ ҶУМҲУРИИ ТОҶИКИСТОН. Фаъолияти мақоми қонунгузор барои пешрафти давлат равона шудааст
Вохӯрии роҳбарони гурӯҳҳои дӯстии байнипарлумонии Ҷумҳурии Тоҷикистон ва Давлати Қатар доир шуд
Муҳаммадризо Маҷидӣ: «Фарҳанг чун яке аз пояҳои муколама ва ҳамдигарфаҳмӣ байни мардуми Осиё хизмат менамояд»
Файзалӣ Идизода: «Ассамблеяи парламентии Осиё дар ташаккули фазои ҳамдигарфаҳмӣ ва ҳамбастагӣ нақши муҳим дорад»
