35-СОЛАГИИ ИСТИҚЛОЛИ ДАВЛАТӢ. Дар ноҳияи Шамсиддини Шоҳин сохтмони бинои нави шуъбаи маориф идома дорад
ДУШАНБЕ, 12.02.2024. /АМИТ «Ховар»/. Дар доираи омодагӣ ба ҷашни 35-солагии Истиқлоли давлатӣ дар ноҳияи Шамсиддини Шоҳини вилояти Хатлон сохтмони бинои нави шуъбаи маориф идома дорад. Дар ин хусус АМИТ «Ховар» бо истинод ба маркази матбуоти Вазорати маориф ва илми Ҷумҳурии Тоҷикистон хабар медиҳад.
Сохтмони бинои нави шуъбаи маорифи ноҳияи Шамсиддини Шоҳин бо дастгирии Вазорати маориф ва илми Ҷумҳурии Тоҷикистон соли 2022 оғоз гардида, аз 3 ошёна бо утоқҳои кории кормандон, маҷлисгоҳ ва меҳмонхона иборат мебошад.
Вазири маориф ва илми Ҷумҳурии Тоҷикистон Раҳим Саидзода бо сохтмони бинои нави шуъбаи маориф шинос шуда, иброз дошт, ки дар доираи дастгириҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати Ҷумҳурии Тоҷикистон ҷиҳати амалишавии барномаҳои давлатии самти маориф маблағгузорӣ ба соҳа сол то сол меафзояд. Ин водор месозад, ки ҳамасола теъдоди зиёди биноҳои муассисаҳои таълимӣ ва шуъбаҳои маориф ба истифода дода шавад, ки ин ба беҳтар гардидани шароити таҳсили хонандагон, фаъолияти омӯзгорон ва аҳли маорифи мамлакат мусоидат менамояд.
Иттилоъ дода шуд, ки бинои нави шуъбаи маориф моҳи июни соли 2024 ба истифода дода мешавад.
АКС: Маркази матбуоти Вазорати маориф ва илми Ҷумҳурии Тоҷикистон
ҲАМНАФАСИ МАРДУМ, ҲАМҚАДАМИ ТАЪРИХ. Андешае дар ҳошияи Рӯзи Президенти Ҷумҳурии Тоҷикистон
Дар Минтақаи озоди иқтисодии «Суғд» муассисаҳои таълимӣ ва иншооти саноатӣ бунёд мегарданд
ПЕШВОИ МИЛЛАТ ВА ТАҲКИМИ ПОЯҲОИ РУШДИ ИҚТИСОДИИ ТОҶИКИСТОН. Дар ҳошияи таҷлили Рӯзи Президент
Бахшида ба Рӯзи Президент дар Донишгоҳи байналмилалии сайёҳӣ ва соҳибкорӣ ҳамоиш доир шуд
Барномаи «Низоми арзёбии донистани забони тоҷикӣ барои шаҳрвандони хориҷӣ» муаррифӣ гардид
Ҳаками озмуни «Фурӯғи субҳи доноӣ китоб аст» Шодӣ Раҷабзод: «Сатҳи омодагӣ, донишу маърифат ва ҷаҳонбинии довталабон сол то сол беҳтар мегардад»
Ба сохтмони бинои нави Коллеҷи омори шаҳри Ваҳдат санги асос гузошта шуд
«ИЛМ — ФУРӮҒИ МАЪРИФАТ». 59 иштирокчии даври ниҳоии озмун қадрдонӣ карда шуданд
Президенти Ҷумҳурии Тоҷикистон Эмомалӣ Раҳмон Беморхонаи байналмилалии Душанберо мавриди истифода қарор доданд
РӮЗИ ПРЕЗИДЕНТИ ТОҶИКИСТОН — РӮЗИ АРҶГУЗОРӢ БА МЕЪМОРИ СУЛҲУ ВАҲДАТИ ТОҶИКОН ДАР АРСАИ ҶАҲОНӢ. Андешаҳо дар ин маврид
Сарвари давлат Эмомалӣ Раҳмон дар шаҳри Душанбе ҶДММ «Зари Душанбе»-ро ифтитоҳ намуданд
Пешвои миллат Эмомалӣ Раҳмон бинои шуъбаи Бозрасии давлатии автомобилии раёсати ВКД дар шаҳри Душанберо ифтитоҳ намуданд
