Бонки миллии Тоҷикистон: «Фаъолияти низоми пардохтии интиқоли маблағҳо «CONTACT» қатъ гардид»
ДУШАНБЕ, 29.02.2024 /АМИТ «Ховар»/. Бонки миллии Тоҷикистон ба таваҷҷуҳи шаҳрвандон мерасонад, ки бо қарори Бонки марказии Федератсияи Русия аз 21 феврали соли 2024 иҷозатнома барои анҷом додани амалиёти бонкӣ аз КИВИ БОНК, ки оператори низоми пардохтии «CONTACT» мебошад, бозхонд гардид. Дар иртибот ба ин фаъолияти низоми пардохтии «CONTACT» дар тамоми кишварҳои дунё, аз ҷумла дар Ҷумҳурии Тоҷикистон аз ҷониби маъмурияти муваққатии КИВИ БОНК пурра маҳдуд гардида, пардохт ё бозхонди маблағҳои қаблан интиқолшуда ғайриимкон гардид, хабар доданд ба АМИТ «Ховар» дар Бонки миллӣ.
Бонки миллии Тоҷикистон ба таваҷҷуҳи шаҳрвандон мерасонад, ки ҳоло дар гирифтани маблағҳои тавассути ин низом интиқолгардида ва бозпас гирифтани маблағҳои интиқолшуда мушкилӣ ҷой дорад.
Бонки миллии Тоҷикистон ин ҳолатро зери назорат ва мониторинг қарор дода, бо намояндагони низом дар тамос мебошад ва ҷиҳати иҷрои уҳдадориҳои он дар назди шаҳрвандон кор мебарад.
Ҳамзамон дар мавриди пайдо гардидани маълумоти нав ба таври илова хабар дода мешавад.
АКС аз манбаъҳои боз
ҚУРБИ АСЪОР: 1 доллари ИМА аз 9.3908 то 9.4000 сомонӣ муқаррар шудааст
Масъалаҳо оид ба мониторинг ва таҳлили корҳо дар самти рушди низоми суғуртаи Тоҷикистон баррасӣ шуданд
Дар Душанбе Фестивали «Саводнокии молиявӣ» баргузор гардид
Вазъи феълӣ ва дурнамои иқтисодиёти Тоҷикистон дар мулоқот бо ҳайати Хазинаи байналмилалии асъор баррасӣ гардид
«Саноатсодиротбонк» барои хизматрасонӣ ба занони соҳибкор сазовори ҷойи сеюм шуд
Намояндаи SECO нишондиҳандаҳои мусбати бахши бонкии Тоҷикистонро баланд арзёбӣ намуд
Дар мулоқоти муовини якуми Сарвазири Тоҷикистон бо ҳайати ХБА масоили динамикаи нишондиҳандаҳои макроиқтисодӣ баррасӣ шуд
Раванди татбиқи «Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030» баррасӣ гардид
