Бонки миллии Тоҷикистон ва Бонки ҷаҳонӣ ҳамкориро оид ба рақамикунонии иқтисодиёти Тоҷикистон тақвият медиҳанд

Февраль 26, 2024 12:00

ДУШАНБЕ, 26.02.2024 /АМИТ «Ховар»/. Вазъи кунунӣ ва дурнамои робитаҳои Бонки миллии Тоҷикистон бо Бонки ҷаҳонӣ дар вохӯрии  раиси Бонки миллии Тоҷикистон Фирдавс Толибзода бо ҳайати Бонки  ҷаҳонӣ дар Душанбе баррасӣ гардид. Дар ин хусус ба АМИТ «Ховар» дар Бонки миллии Тоҷикистон иттилоъ доданд.

Раиси Бонки миллии Тоҷикистон аз сатҳи ҳамкории дуҷонибаи судманд бо Бонки ҷаҳонӣ дар татбиқи лоиҳаҳое, ки ба таҳкими бахшҳои иқтисодӣ ва иҷтимоии Тоҷикистон нигаронида шудаанд, изҳори қаноатмандӣ намуда, гуфт, ки яке аз самтҳои муҳими ҳамкорӣ бо ин бонк рушди фарогирии молиявӣ, бахусус дар бахшҳои рақамикунонӣ ва беҳтар намудани фазои сармоягузорӣ мебошад.

Гуфта шуд, ки Бонки миллии Тоҷикистон бо Бонки ҷаҳонӣ дар доираи лоиҳаҳои марбут ба бахшҳои идоракунии молиявӣ, аз ҷумла «Барномаи таҳкими бахши молиявӣ», ки бо кумаки молиявии Дафтари Швейтсария оид ба ҳамкории иқтисодӣ (SECO) ва «Рушди бахшҳои молиявӣ ва хусусӣ» амалӣ мешаванд, ҳамкории наздик менамояд.

Таъкид шуд, ки бо кумаки техникии Бонки ҷаҳонӣ аз соли 2019 Бонки миллии Тоҷикистон оид ба интизориҳои таваррум дар байни аҳолӣ пурсиш гузаронидааст, ки натиҷаи он барои қабули қарорҳо дар сиёсати пулию қарзӣ аҳамияти калон дорад. Роҳбари намояндаи доимии Бонки ҷаҳонӣ дар Тоҷикистон Озан Севимлӣ ва роҳбари намояндаи доимии Корпоратсияи байналмилалии молиявии Бонки ҷаҳонӣ (IFC) Фаррух Султонов  оид ба сатҳи ҳамкории дуҷониба сухан гуфта, омодагиашонро ба тавсеаи ҳамкорӣ дар самти устувории низоми бонкии Тоҷикистон баён доштанд.

Ҷонибҳо доир ба татбиқи ҳамкорӣ дар самти ташаккули иқтисоди «сабз», раванди рақамикунонии иқтисодиёти Тоҷикистон, дастгирии соҳибкории хусусӣ, ҷалби маблағгузорӣ ба бахши хусусӣ, рушди бозори коғазҳои қиматнок ва барориши вомбаргҳои сабз, кушодани суратҳисобҳои муросилотӣ, пешбурди ислоҳоти молиявӣ, таъсиси Академияи бонкӣ ва дигар масъалаҳо ибрози назар намуданд.

АКС: Бонки миллии Тоҷикистон

 

Февраль 26, 2024 12:00

Хабарҳои дигари ин бахш

Дар вилояти Суғд шумораи корхонаҳои истеҳсоли равған меафзояд
Сарвари давлат Эмомалӣ Раҳмон аз вазъи барҳамхӯрӣ ва аз фаъолият мондани корхонаҳои саноатӣ дар вилояти Суғд изҳори нигаронӣ намуданд
Дар Душанбе ҷаласаи 18-уми Кумитаи ҳамоҳангсоз оид ба содагардонии расмиёти савдо баргузор гардид
Барои ифротӣ нагаштани ҷавонон таваҷҷуҳи онҳоро ба илму дониш ва касбу ҳунаромӯзӣ бояд ҷалб намуд
Масъулини вилояти Суғд баҳри ҳалли мушкилоти пойгоҳҳои обкашӣ ва норасоии обёрии замин вазифадор гардиданд
ҚУРБИ АСЪОР: дар Тоҷикистон 1 рубли русӣ аз 0. 1180 то 0.1195 сомонӣ муқаррар шудааст
Лоиҳаи «Ташхиси сохтори бозори пул дар Ҷумҳурии Тоҷикистон» баррасӣ гардид
Бонки Эсхата ба мизоҷон иқдоми калонтарини таърихӣ пешниҳод намуд
ҚУРБИ АСЪОР: дар Тоҷикистон 1 доллари ИМА аз 10.9435 то 10.9600 сомонӣ сомонӣ муқаррар шудааст
Дар оянда байни Душанбе ва Сеул роҳи ҳавоӣ кушода мешавад
8 АПРЕЛ-РӮЗИ ИҚТИСОДЧИЁН. Созмонҳои бонуфузи байналмилалии молиявӣ Тоҷикистонро давлати дорои суръати баланди рушди иқтисодӣ арзёбӣ намудаанд
ҚУРБИ АСЪОР: дар Тоҷикистон 1 евро аз 11.8974 то 11.9800 сомонӣ сомонӣ муқаррар шудааст