Дар Боку таҳкими ҳамкории байнипарлумонии Тоҷикистон ва Озарбойҷон мавриди баррасӣ қарор гирифт
ДУШАНБЕ, 21.02.2024 /АМИТ «Ховар»/. Имрӯз дар доираи сафар ба шаҳри Боку ва иштирок дар Иҷлосияи 14-уми Ассамблеяи парлумонии Осиё Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода бо Раиси Милли Маҷлиси Ҷумҳурии Озарбойҷон Саҳиба Гафарова мулоқот намуд. Дар ин хусус АМИТ «Ховар» бо истинод ба котиби матбуоти Маҷлиси намояндагон хабар медиҳад.
Таъкид карда шуд, ки мулоқоти имрӯза ба рушди муносибатҳои байнипарлумонӣ такони ҷиддӣ хоҳад бахшид.
Изҳор гардид, ки Озарбойҷон дар стратегияи сиёсати хориҷии Тоҷикистон яке аз ҷойҳои муҳимро ишғол менамояд ва Тоҷикистон ба рушду таҳкими минбаъдаи ҳамкорӣ бо Озарбойҷон манфиатдор мебошад.
Зимни мулоқот Маҳмадтоир Зокирзода ҳавасмандии парлумони Тоҷикистонро ба рушд ва тавсеаи ҳамкории байнипарлумонӣ бо Милли Маҷлиси Ҷумҳурии Озарбойҷон баён намуд.
«Раванди густариши равобити дуҷонибаи байнипарлумонии Тоҷикистон ва Озарбойҷон нишон медиҳад, ки ҷонибҳо ҳамеша ба таҳкими робитаҳои мутақобилан судманд манфиатдор мебошанд, — иброз дошт раиси Маҷлиси намояндагон. — Гурӯҳи байнипарлумонии дӯстӣ ва ҳамкорӣ бо Милли Маҷлиси Ҷумҳурии Озарбойҷон яке аз аввалинҳое мебошад, ки пас аз ба даст овардани истиқлолияти давлатӣ ва таъсиси Парлумони Ҷумҳурии Тоҷикистон ташкил гардидааст».
Ҳамкорӣ бо Парлумони Озарбойҷон дар чаҳорчӯби Ассамблеяи байнипарлумонии давлатҳои аъзои Иттиҳоди Давлатҳои Мустақил, Ассамблеяи парлумонии Созмони амният ва ҳамкорӣ дар Аврупо, Ассамблеяи парлумонии Созмони ҳамкории иқтисодӣ ва дигар созмону иттиҳодияҳои минтақавӣ ва ҷаҳонӣ низ тазаккур дода шуд.
АКС: Маҷлиси намояндагони Маҷлиси Олии Ҷумҳурии Тоҷикистон
Мавсума Муинӣ: «Мавқеъ ва саҳми занон дар дипломатияи парламентии Ҷумҳурии Тоҷикистон намоён аст»
Ҷаласаи ғайринавбатии Шурои Маҷлиси намояндагони Маҷлиси Олӣ баргузор гардид
Кумитаи доимии Ассамблеяи парлумонии Осиё Қатънома оид ба фарҳанги истифодаи оқилонаи захираҳои обро қабул намуд
Кумитаи доимии Ассамблеяи парлумонии Осиё Қатънома оид ба таҳкими фарҳанги сулҳ, таҳаммулпазирӣ ва эҳтироми арзишҳои фарҳангии миллатҳоро қабул намуд
Файзалӣ Идизода бо Котиби генералии Ассамблеяи парламентии Осиё Муҳаммадризо Маҷидӣ вохӯрӣ намуд
26 СЕНТЯБР — РӮЗИ МАҶЛИСИ ОЛӢ — ПАРЛАМЕНТИ ҶУМҲУРИИ ТОҶИКИСТОН. Фаъолияти мақоми қонунгузор барои пешрафти давлат равона шудааст
Вохӯрии роҳбарони гурӯҳҳои дӯстии байнипарлумонии Ҷумҳурии Тоҷикистон ва Давлати Қатар доир шуд
Муҳаммадризо Маҷидӣ: «Фарҳанг чун яке аз пояҳои муколама ва ҳамдигарфаҳмӣ байни мардуми Осиё хизмат менамояд»
Файзалӣ Идизода: «Ассамблеяи парламентии Осиё дар ташаккули фазои ҳамдигарфаҳмӣ ва ҳамбастагӣ нақши муҳим дорад»
Дар Душанбе ҷаласаи Раёсат/Бюрои Ассамблеяи парлумонии Осиё баргузор гардид
Ҷаласаи Кумитаи доимии Ассамблеяи парламентии Осиё оид ба масъалаҳои иҷтимоӣ ва фарҳангӣ оғоз шуд
Мавсума Муинӣ бо раиси Комиссияи Сенати Шоҳигарии Камбоҷа оид ба ҳуқуқи инсон вохӯрӣ намуд
