Дар Душанбе тақвияти ҳамкории гумрукӣ байни Тоҷикистон ва Корея баррасӣ шуд
ДУШАНБЕ, 05.02.2024 /АМИТ «Ховар»/. Тақвияти ҳамкории дуҷониба дар самти фаъолияти гумрукӣ байни Тоҷикистон ва Кореяи Ҷанубӣ зимни мулоқоти Сардори Хадамоти гумруки назди Ҳукумати Ҷумҳурии Тоҷикистон Хуршед Каримзода бо Сафири Фавқулода ва Мухтори Ҷумҳурии Корея дар Ҷумҳурии Тоҷикистон Квон Донгсок ва намояндагони Хадамоти гумруки Корея дар Душанбе баррасӣ гардид. Дар ин хусус ба АМИТ «Ховар» дар Хадамоти гумруки назди Ҳукумати Ҷумҳурии Тоҷикистон иттилоъ доданд.
Хуршед Каримзода иброз намуд, ки мулоқот ба таҳкиму густариши ҳамкории судманд байни мақомоти гумруки Тоҷикистон ва мақомоти гумруки Кореяи Ҷанубӣ заминаи мустаҳкам фароҳам меорад.
Дар мулоқот ҷонибҳо таҳкими ҳамкории дуҷониба дар самти фаъолияти гумрукӣ, афзоиши ҳаҷми гардиши тиҷорати хориҷии байни тарафҳо, лоиҳаи Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Корея оид ба ҳамкорӣ ва ёрии байниҳамдигарӣ дар самти фаъолияти гумрукӣ ва дастгирии техникии «Зернизоми идораи таваккал»-и Низоми иттилоотии автоматонидаи ягонаи Хадамоти гумрукро баррасӣ намуданд.
Тазаккур бояд дод, ки бо дастгирии Ҳукумати Ҷумҳурии Корея 16 сентябри соли 2021 зимни сафари Сардори Хадамоти гумруки Ҷумҳурии Корея Лим Чжэ Ҳиён ба Ҷумҳурии Тоҷикистон зернизоми «Идораи таваккал»-и Низоми ягонаи иттилоотии автоматии Хадамоти гумруки назди Ҳукумати Ҷумҳурии Тоҷикистон расман оғоз гардид.
Дар доираи ин зернизом аз ҷониби Хадамоти гумрук лоиҳаи дастгирии техникии «Зернизоми идораи таваккал» барои 3 сол таҳия гардида, аз тарафи Ҳукумати Ҷумҳурии Корея дастгирӣ ёфт.
Инчунин Сафири Фавқулода ва Мухтори Ҷумҳурии Корея дар Ҷумҳурии Тоҷикистон Квон Донгсок аз ҳамкории мутақобилан судманди тарафҳо изҳори розигӣ намуда, иброз дошт, ки Тоҷикистон ва Корея ба густариши ҳамкорӣ дар бахши гумрук таваҷҷуҳи хосса зоҳир менамоянд.
Ҳамзамон аз ҷониби ҳайати меҳмонон лоиҳаи дастгирии техникии «Зернизоми идораи таваккал» рӯнамоӣ шуда, тарзу усулҳои дуруст ва самараноки истифодаи ин зернизом муаррифӣ гардид.
АКС: Хадамоти гумруки назди Ҳукумати Ҷумҳурии Тоҷикистон
Нахустин мулоқоти ҳамоҳангсозони миллии Маркази минтақавии дипломатияи нақлиётӣ баргузор шуд
Дар Бонки миллии Тоҷикистон тақвияти робитаҳои байнибонкии Тоҷикистон ва Ҳиндустон баррасӣ шуд
Дар Душанбе Намоиши байналмилалии маҳсулоти саноати хӯрокворӣ ва бастабандии «UPAK EXPO 2026» доир гардид
Тоҷикистон ва Ҳиндустон ҳамкориро дар соҳаи технологияҳои рақамӣ ва инноватсия густариш медиҳанд
Пешвои миллат Эмомалӣ Раҳмон: «Ман ба масъулиятшиносӣ, таҷриба ва заҳмати софдилонаи бунёдгарони «Роғун» эътимоди комил дорам»
Президенти Тоҷикистон: «Бунёди Неругоҳи барқи обии «Роғун» муҳимтарин дастоварди даврони соҳибистиқлолии Тоҷикистон аст»
Дар вилояти Суғд шумораи корхонаҳои саноатӣ нисбат ба соли 1991 беш аз ҳазор адад зиёд шудааст
Дар ҳавзаи дарёи Кофарниҳон се стансияи худкори обуҳавосанҷӣ насб карда шуд
Ҷаласаи Комиссияи байниидоравӣ оид ба муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом доир гардид
Дар ноҳияи Мастчоҳ тадбирҳои агротехникӣ барои ҷамъоварии ҳосили зироат идома доранд
Дар Душанбе нахустин Форум ва намоишгоҳи байналмилалии саноати хӯрокворӣ — Тоҷикистон-2026 оғоз ёфт
«ИСТИҚЛОЛ» — ЗУҲУРОТИ НАВИ АМЕТИСТ. Он бахшида ба 35-солагии Истиқлоли давлатии Ҷумҳурии Тоҷикистон номгузорӣ шудааст
