Дар қисмҳои низомии ҳудуди шаҳри Ҳисор Рӯзи Артиши миллӣ бошукуҳ таҷлил гардид
ДУШАНБЕ, 23.02.2024 /АМИТ «Ховар»/. Ба шарафи 31-солагии таъсиси Қувваҳои Мусаллаҳи Ҷумҳурии Тоҷикистон бо ибтикори Кумитаи кор бо занон ва оилаи назди Ҳукумати Ҷумҳурии Тоҷикистон дар ҳамкорӣ бо Мақомоти иҷроияи ҳокимияти давлатии шаҳри Ҳисор дар қисми ҳарбии Кумитаи давлатии амнияти миллии /КДАМ/ Ҷумҳурии Тоҷикистон, воқеъ дар шаҳри Ҳисор ҳамоиши тантанавӣ доир гардид. АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор хабар
медиҳад, ки дар ҷамъомади идона роҳбарияти шаҳри Ҳисор ва Кумитаи кор бо занон ва оилаи назди Ҳукумати ҷумҳурӣ афсарону сарбозони қисми низомиро бо Рӯзи Қувваҳои Мусаллаҳи Ҷумҳурии Тоҷикистон табрик намуда, ба онҳо дар ҳифзи марзу буми Тоҷикистон матонату шуҷоатмандӣ таманно намуданд.
Инчунин бо ташаббуси шуъбаи кор бо занон ва оилаи шаҳри Ҳисор, Муассисаи давлатии Коллеҷи омӯзгории шаҳр ва Маркази саломатии шаҳрӣ таҳти унвони «Корвони занони ватандӯст» ташаббус доир гардида, ба афсарону сарбозон китобҳои гуногун туҳфа гардиданд.
Ба ҳамин монанд ҳамоишҳои идонаи тантанавии фарҳангӣ бо оростани дастархони идона дар қисми ҳарбии Вазорати мудофиаи Ҷумҳурии Тоҷикистон, дидбонгоҳи сарҳадии Сарраёсати Қӯшунҳои сарҳадии Кумитаи давлатии амнияти миллӣ, воқеъ дар шаҳри Ҳисор баргузор гардида, солгарди таъсиси Қувваҳои Мусаллаҳи Ҷумҳурии Тоҷикистон пуршукуҳ таҷлил гардид.
АКС: Мақомоти иҷроияи ҳокимияти давлатии шаҳри Ҳисор
Имрӯз дар ноҳияҳои кӯҳии Тоҷикистон бориши борон дар назар аст
КОНСТИТУТСИЯ — РАҲНАМОИ ДАВЛАТДОРИИ МИЛЛӢ. Дар ноҳияи Ёвон ҳамоиши тантанавӣ баргузор шуд
Конститутсия кафолати адолати иҷтимоӣ, сулҳу ваҳдат ва рушди устувор аст
Бахшида ба Рӯзи Конститутсия дар Вазорати рушди иқтисод ва савдо ҳамоиши тантанавӣ доир шуд
Дар ноҳияи Рӯдакӣ бахшида ба Рӯзи Конститутсия конференсияи илмӣ-назариявӣ доир шуд
Рӯзи Конститутсияи Тоҷикистон дар Вазорати энергетика ва захираҳои об бошукуҳ таҷлил гардид
Бахшида ба 32-солагии қабули Конститутсия дар Кумитаи давлатии идораи замин ва геодезӣ ҷамъомади тантанавӣ доир шуд
Дар мавзуи «Конститутсияи Тоҷикистон дар масири таҳкими давлатдории миллӣ ва сиёсати созанда» ҳамоиши илмӣ доир шуд
Дар Вазорати адлия бахшида ба Рӯзи Конститутсияи Тоҷикистон ҳамоиш доир гардид
КОНСТИТУТСИЯ ВА ТАҚДИРИ МИЛЛАТ. Аз андешаи давлатдорӣ то фарҳанги созандаи ҷомеа
Конститутсияи Ҷумҳурии Тоҷикистон санади муҳиму сарнавиштсоз барои миллати тоҷик аст
