Дар Намоишгоҳи байналмилалии сайёҳӣ ва саноатии шаҳри Теҳрон гўшаи сайёҳии Тоҷикистон ташкил гардид
ДУШАНБЕ, 13.02.2024. /АМИТ «Ховар»/. 12 феврал дар шаҳри Теҳрони Ҷумҳурии Исломии Эрон Намоишгоҳи байналмилалии сайёҳӣ ва саноатӣ оғоз гардид, ки дар он гўшаи сайёҳии Тоҷикистон ташкил шуд. Намоишгоҳи мазкур то 15 феврали соли равон идома меёбад, хабар медиҳад АМИТ «Ховар» бо истинод ба Кумитаи рушди сайёҳии назди Ҳукумати Ҷумҳурии Тоҷикистон.
Ҳайати Ҷумҳурии Тоҷикистон таҳти роҳбарии муовини Раиси Кумитаи рушди сайёҳӣ Зиёдулло Салимзода дар якҷоягӣ бо ширкатҳои сайёҳии мамлакат дар гўшаи Тоҷикистон имконияту зарфиятҳои сайёҳии ҷумҳурӣ, аз ҷумла чанд намуди сайёҳӣ ва хатсайрҳои дар ин соҳа ташкилшударо ба иштирокдорони Намоишгоҳи байналмилалии сайёҳӣ ва саноатӣ муаррифӣ намуданд.
Меҳмонон ва иштирокдорони намоишгоҳи мазкур гўшаи сайёҳии Ҷумҳурии Тоҷикистонро тамошо карда, барои сафар ба сарзамини офтобрўяи мо изҳори ҳавасмандӣ намуданд.
Хотиррасон мешавем, ки 18 сентябри соли 2021 дар шаҳри Душанбе байни Ҳукумати Ҷумҳури Тоҷикистон ва Ҳукумати Ҷумҳурии Исломии Эрон Ёддошти тафоҳум оид ба ҳамкорӣ дар соҳаи сайёҳӣ ба имзо расид. Ҷонибҳо ҷиҳати густариши ҳамкорӣ дар соҳаи сайёҳӣ ва ҷалби сайёҳон ба давлатҳои ҳамдигар тадбирҳои зарурӣ андешида истодаанд.
Интизор меравад, ки бо тақвият додани ҳамкорӣ дар самти сайёҳӣ миёни ду давлати ҳамзабону ҳамфарҳанг- Ҷумҳурии Тоҷикистон ва Ҷумҳурии Исломии Эрон равобити сайёҳон боз ҳам густариш меёбад.
АКС: Кумитаи рушди сайёҳии назди Ҳукумати Ҷумҳурии Тоҷикистон
Дурнамои нишондиҳандаҳои рушди иқтисодию иҷтимоии вилояти Суғд ва минтақаи Рашт муаррифӣ карда шуд
Бахшида ба Рӯзи ҷаҳонии ҳифзи пиряхҳо ва ташаббусҳои ҷаҳонии Тоҷикистон дар соҳаи обу иқлим ва ҳифзи пиряхҳо конфронси миллӣ баргузор шуд
Байни Ҳукумати Ҷумҳурии Тоҷикистон ва Созмони озуқаворӣ ва кишоварзии СММ Ёддошти тафоҳум ба имзо расид
Ҷаласаи 20-уми Кумитаи ҳамоҳангсоз оид ба содагардонии расмиёти савдо баргузор гардид
Ҳамкории Тоҷикистон ва Руминия дар соҳаи алоқа густариш меёбад
Зарфияти сайёҳӣ ва ҳунарҳои мардумии Тоҷикистон дар Намоишгоҳи байналмилалии сайёҳии «MITT — 2026» муаррифӣ мегардад
Муовини Сарвазири Тоҷикистон бо вазъи корҳои саҳроӣ дар ноҳияи Фархор шинос шуд
Ҳайати Тоҷикистон дар муколамаи сатҳи баланд доир ба татбиқи тарҳи минтақавии «CASA-1000» иштирок намуд
Дар Донишгоҳи давлатии молия ва иқтисоди Тоҷикистон оид ба нақши матбуот дар ташаккули ҳувияти миллӣ ҳамоиш доир гардид
Татбиқи лоиҳаи таҷдиди роҳи мошингарди Душанбе-Кулма баррасӣ гардид
Дурнамои ҳамкории Донишгоҳи байналмилалии сайёҳӣ ва соҳибкории Тоҷикистон бо ширкати нидерландии EISIVIER баррасӣ гардид
Дар Душанбе Форуми V байналмилалии «Наврӯзи Душанбе – меҳвари робитаҳои фарҳангию сайёҳӣ» баргузор мешавад
