Дар ноҳияҳои Рошқалъа, Мурғоб, Шаҳринав, Лахш ва шаҳри Ваҳдат Кохи фарҳанг сохта мешавад
ДУШАНБЕ, 18.02.2024. /АМИТ «Ховар»/. Дар ноҳияҳои Рошқалъа ва Мурғоби Вилояти Мухтори Кўҳистони Бадахшон, ноҳияҳои Шаҳринаву Лахш ва шаҳри Ваҳдат Кохи фарҳанг бунёд карда мешавад, хабар медиҳад АМИТ «Ховар».
Ин тадбирҳо дар асоси иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон, ки 24 январи соли равон дар маҷлиси Ҳукумати Ҷумҳурии Тоҷикистон оид ба ҷамъбасти натиҷаҳои рушди иҷтимоию иқтисодии ҷумҳурӣ дар соли 2023 ва вазифаҳо барои соли 2024 баён гардиданд, амалӣ мешаванд.
Ба вазоратҳои молия, фарҳанг, Мақомоти иҷроияи ҳокимияти давлатии шаҳри Ваҳдат дастуру супориш дода шудааст, ки ҷиҳати маблағгузорӣ ва ба анҷом расонидани Кохи фарҳанг дар шаҳри Ваҳдат тадбирҳои зарурӣ андешида шавад.
Ҳамчунин мақомоти дахлдор вазифадор гардидааст, ки давоми солҳои 2024-2026 барои ба нақшагирӣ ва оянда бунёд намудани Қасри фарҳанг дар маркази ноҳияҳои Шаҳринав ва Лахш чораҷўӣ намоянд.
Ёдовар мешавем, ки дар солҳои соҳибистиқлолии мамлакат дар аксар шаҳру ноҳияҳои Тоҷикистон кохҳои фарҳанг, ки ба талаботи байналмилалӣ ҷавобгў мебошанд, сохта ба истифода дода шудаанд.
Дар ин қасрҳо толорҳои бузург барои баргузории барномаҳои фарҳангию фароғатӣ, ҷамъомадҳо сохта шуда, дар ин ҷо китобхона, марказҳои рассомӣ, осорхонаҳо, шуъбаҳои фарҳанг ва ғайраҳо ҷойгир гардидаанд.
Рухсораи НУР,
АМИТ «Ховар»
АКС аз бойгонӣ
Бинои нави маъмурии Муассисаи давлатии «Мамнуъгоҳи таърихию фарҳангии Ҳисор» ба истифода дода шуд
Дар Душанбе бахшида ба Рӯзи фалак ҳамоиш доир гардид
Имрӯз дар Тоҷикистон Рӯзи фалак таҷлил мегардад
Тоҷикистон дар Бозиҳои 20-уми Делфии ҷавонони кишварҳои аъзои ИДМ соҳиби ҷойи аввал гардид
Тоҷикистон ва Британияи Кабир ҳамкориро дар самти омӯзиши забони англисӣ густариш медиҳанд
Тоҷикистон ва Британияи Кабир ҳамкориро дар самти омӯзиш ва ҳифзи ёдгориҳои таърихию фарҳангӣ тақвият медиҳанд
Даври ҷамъбастии Озмуни ҷумҳуриявии «Тоҷикистон—Ватани азизи ман» доир мегардад
Таҳкими ҳамкорӣ байни Осорхонаи миллии Тоҷикистон бо Шурои Британия дар Душанбе баррасӣ гардид
Иштирокдорони Бозиҳои ХХ Делфии ҷавонони ИДМ аз Осорхонаи миллии Тоҷикистон боздид намуданд
Дар Тоҷикистон Анҷумани сеюми забоншиносони давлатҳои ҳамзабону ҳамфарҳанг доир мегардад
Ҷаласаи Шурои ҳукуматӣ оид ба рушди кинематографияи миллӣ доир шуд
Дар Тоҷикистон Бозиҳои 20-уми Делфии ҷавонони кишварҳои аъзои ИДМ идома доранд
