Дар Суғд ба муносибати Рӯзи Қувваҳои Мусаллаҳ мусобиқаи кушоди вилоятӣ оид ба тирпаронӣ доир гардид
ДУШАНБЕ, 21.02.2024 /АМИТ «Ховар»/. Бахшида ба Рӯзи Қувваҳои мусаллаҳи Ҷумҳурии Тоҷикистон дар пойгоҳи клуби вилоятии варзишӣ — тирпаронии Ташкилоти ҷамъиятии мададгори мудофиаи вилояти Суғд мусобиқаи кушоди вилоятӣ оид ба тирпарронӣ баргузор гардид. Дар ин хусус ба АМИТ «Ховар» дар Хадамоти матбуоти Раиси вилояти Суғд хабар доданд.
Мусобиқа аз ҷониби Раёсати кор бо ҷавонон ва варзиши вилояти Суғд ва бо дастгирии мақомоти иҷроияи ҳокимияти давлатии вилоят доир гардид.
Дар мусобиқа зиёда аз 50 варзишгар аз шаҳрҳои Хуҷанд, Исфара, Конибодом, Истаравшан, Бӯстон, ноҳияҳои Деваштич, Ашт, Мастчоҳ, Спитамен, Бобоҷон Ғафуров ва Ҷаббор Расулов фаъолона иштирок намуданд. Он аз рӯи намудҳои тирпаронии пневматикӣ (ВП-1 ва ПП-2) бо риояи қатъии қоидаҳои амалкунанда байни духтарон ва писарон гузаронида шуд.
Ғолибони мусобиқа бо медалу дипломҳои дараҷавӣ ва иштирокчиёни фаъол бо сипосномаҳо сарфароз гардонида шуданд.
АКС: Хадамоти матбуоти Раиси вилояти Суғд
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Имрӯз дар баъзе ноҳияҳои Тоҷикистон туман мефарояд
Эъломияи Душанбе оид ба инноватсия ва технологияҳои рақамӣ қабул гардид
Ҷаласаи якуми иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
