Дар Урал масъалаи вусъат бахшидани ҷалби академии омӯзгорону донишҷӯёни тоҷик баррасӣ гардид
ДУШАНБЕ, 16.02.2024 /АМИТ «Ховар»/. Ҳайати вилояти Хатлон бо роҳбарии раиси вилоят Давлаталӣ Саид бо ректори Донишгоҳи давлатии иқтисодии Урал Яков Силин мулоқот намуд, ки зимни он масъалаи вусъат бахшидани ҷалби академии омӯзгорону донишҷӯён мавриди баррасӣ қарор гирифт, хабар медиҳад АМИТ «Ховар» бо истинод ба шуъбаи иттилоотию таҳлилии дастгоҳи Раиси вилояти Хатлон.
Ҳадафи мулоқот аз вусъат бахшидани табодули таҷрибаи пешқадам, фаъолияти муштараки илмӣ, ташкил ва баргузор намудани конфронсҳо, амалӣ намудани нашри маводи илмӣ ва дигар фаъолияти фарогири манфиатҳои ҷонибҳо иборат буда, ҷиҳати амалӣ намудани ҳамкории мустақим ва судманд дар соҳаи маориф, илм, фарҳанг ва баланд бардоштани самаранокии корҳои таълимӣ, методӣ ва таҳқиқотӣ мусоидати созгор менамояд.
Давлаталӣ Саид изҳор намуд, ки Хатлон яке аз вилоятҳои калонтарини ҷумҳурӣ ба ҳисоб рафта, донишгоҳу донишкадаҳои зиёд дорад, ки ҳамкории мо ба нафъи ҳарду ҷониб аст.
Зимни мулоқот масъалаҳои амалӣ намудани ҳамкорӣ байни донишгоҳҳо, таҷрибаомӯзӣ ва анҷом додани сафарҳои корӣ низ мавриди баррасӣ қарор гирифт.
Ёдовар мешавем, ки гурӯҳи намояндагони мақомоти давлатии вилояти Хатлон бо роҳбарии раиси вилоят Давлаталӣ Саид бо сафари корӣ дар Федератсияи Русия қарор дорад.
АКС: Шуъбаи иттилоотию таҳлилии дастгоҳи раиси вилояти Хатлон
Тавсеаи ҳамкорӣ байни Тоҷикистон ва Агентии давлатии ҳамкории байналмилалӣ ва рушди Чин баррасӣ шуд
НИШАСТИ МАТБУОТӢ. Дар 55 деҳа, маҳалла ва шаҳракҳои Тоҷикистон тадқиқоти муҳандисӣ-геологӣ анҷом дода шуд
Телевизиони «Синамо» силсилафилми ҳунарии «Нерӯи ишқ»-ро таҳия намуд
Сарвазири Тоҷикистон дар ноҳияҳои вилояти Хатлон бо рафти корҳои созандагӣ шинос гардид
Дар Душанбе масъалаи таъминоти сӯзишворӣ дар бозори истеъмолӣ ва танзими нархи он баррасӣ шуд
Ваколатдор оид ба ҳуқуқи инсон бо Раиси Кумитаи миллӣ оид ба ҳуқуқи инсони Давлати Қатар вохӯрӣ намуд
Лоиҳаи пеш аз асосноккунии техникӣ-иқтисодии сохтмони метро дар шаҳри Душанбе ҷамъбаст гардид
ОБЁРИИ ҚАТРАГӢ ЧӢ БАРТАРӢ ДОРАД? Шарҳи коршинос дар ин мавзуъ
Дар Тоҷикистон беш аз 14 ҳазор гектар шолӣ кишт карда шудааст
Хатсайри қатораи Душанбе – Москва — Душанбе пас аз 6 сол барқарор гардид
Дар Панҷакент корхонаи мурғпарварӣ ва ҳавзҳои моҳидорӣ ба фаъолият оғоз намуданд
Дар Тоҷикистон «Барномаи давлатии рушди инноватсионии соҳаи пахтакорӣ барои солҳои 2026–2030» қабул гардид
