Дар Зафаробод Рӯзи Қувваҳои Мусаллаҳи Ҷумҳурии Тоҷикистон ботантана таҷлил гардид
СУҒД, 23.02.2024 /АМИТ «Ховар»/. Дар Қасри фарҳанги ноҳияи Зафаробод 31-солагии таъсиси Қувваҳои Мусаллаҳи Ҷумҳурии Тоҷикистон ботантана таҷлил шуд. Дар ин хусус ба мухбири минтақавии АМИТ «Ховар» Саъдулло Маҳкам дар дафтари матбуоти Раиси ноҳияи Зафаробод хабар доданд.
Раиси ноҳияи Зафаробод, намояндаи Мақомоти иҷроияи ҳокимияти давлатии вилояти Суғд афсарону сарбозон, роҳбарон ва кормандони мақомоти ҳифзи ҳуқуқу тартибот ва сохторҳои низомиро ба муносибати Рӯзи Қувваҳои Мусаллаҳ табрик намуда, Артиши миллиро муҳофизи обу хоки муқаддаси ҷумҳурӣ, тамомияти арзӣ, амнияту оромӣ ва Истиқлолияти давлатӣ арзёбӣ намуданд.
Иброз гардид, ки Артиши миллӣ дар давраи басе душвору сангин ва бе заминаи мустаҳками моддию техникӣ ташкил шуд, вале дар муддати кӯтоҳ дар партави дастгирию пуштибониҳои пайвастаи Пешвои миллат ва Ҳукумати мамлакат ба лашкари қавӣ ва муҷаҳҳазу тавоно мубаддал гардид. Хизмат дар сафи Қувваҳои Мусаллаҳ барои ҳар ҷавони синни даъватӣ мактаби шуҷоату мардонагӣ, қарзи фарзандӣ ва садоқат ба сарзамини аҷдодӣ мебошад. Аз ин рӯ, ҳамаи мо бояд барои таҳкими пояҳои Артиши миллӣ, яъне омода намудани ҷавонон барои хизмати ҳарбӣ аз самими дил ва бо камоли садоқат саҳм гузорем.
Дар ҷамъомад ба як зумра хизматчиёни ҳарбӣ, кормандони мақомоти ҳифзи ҳуқуқу тартибот, комиссариаи ҳарбӣ, ҷанговарони интернатсионалист ва барқароркунандагони сохти конститутсионӣ сипоснома ва туҳфаҳои мақомоти иҷроияи ҳокимияти давлатии ноҳия тақдим гардид.
Барномаи рангини идонаи бахши фарҳанги ноҳия табъи иштирокдоронро болида гардонид.
АКС: Дафтари матбуоти Раиси ноҳияи Зафаробод
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
