Хонандагони Литсейи хусусии «Нур»-и ноҳияи Шаҳринав дар Озмуни умумирусиявии илмӣ-таҳқиқотӣ соҳиби ду медали тилло ва се медали биринҷӣ шуданд

Февраль 15, 2024 13:46

ДУШАНБЕ, 15.02.2024 /АМИТ «Ховар»/. Хонандагони Литсейи хусусии «Нур» дар ноҳияи Шахринав дар Озмуни умумирусиявии илмӣ-таҳқиқотӣ дар шаҳри Москваи Федератсияи Русия иштирок намуда, сазовори 2 медали тилло ва 3 медали биринҷӣ шуданд.

Тавре АМИТ «Ховар» бо истинод ба Мақомоти иҷроияи ҳокимияти давлатии ноҳияи Шаҳринав хабар медиҳад, озмун бахшида ба мероси Дмитрий Менделев аз 2 то 6 феврал доир шуда, 5 хонандаи Литсейи хусусии «Нур» дар байни 1500 иштирокчии даври ниҳоии озмун муваффақона баромад намуданд.

Ба озмун, ки асосан ба мероси илмиву кашфиётии олими кимиё Дмитрий Менделеев бахшида шуда буд, хонандагони Литсейи «Нур» 18 кори илмӣ-таҳқиқотиашонро пешниҳод намуданд. 7 кори илмӣ дар даври ниҳоии озмун қобили қабул дониста шуд. Бояд гуфт, ки корҳо асосан барои такмили муқоисаи ҳисобҳои бадеӣ ва риёзӣ, геометрияи тасвирӣ, ҷуфт намудани нақшҳо ва муқоисаи ороишҳо, робитаи таърих бо терракоти таърихӣ (маснуоти сафолӣ) таҳия шуда буданд.

Дар натиҷа хонандагони синфи 8 Абдумуслим Набиев дар мавзуи «Қолибсозӣ дар проексияҳои зардӯзӣ» ва Ҳусейн Артиков дар мавзуи «Ҳисобҳои эскизӣ аз рӯи қуттисозӣ дар истеҳсоли шероз» ҷойи якумро ишғол намуда, сазовори медалҳои тилло шуданд.

Ҳамзамон хонандагони синфи 8 Фотима Артикова дар мавзуи «Мувофиқати амалҳои геометрӣ дар чакани тоҷикӣ», Суруш Саидов дар мавзуи «Таърихи Террокот дар ҳудуди ноҳияи Шаҳринав» ва Аслан Тошев дар мавзуи «Империяи Кӯшониён дар ҳудуди ноҳияи Шаҳринав» сазовори ҷойҳои сеюм гардида, соҳиби медалҳои биринҷӣ шуданд.

Ҷойизадоронро дар назди Фурудгоҳи байналмилалии Душанбе муовини Раиси ноҳияи Шаҳринав ва омӯзгорону ҷавонони фаъоли ноҳия истиқбол намуда, онҳоро ифтихори давлату миллат дониста, бо самимияту хушнудӣ табрик намуданд.

АКС: Мақомоти иҷроияи ҳокимияти давлатии ноҳияи Шаҳринав

Февраль 15, 2024 13:46

Хабарҳои дигари ин бахш

Дар Академияи идоракунии давлатӣ китоби «Нақши Эмомалӣ Раҳмон дар таҳким ва арҷгузорӣ ба мақоми занон дар ҷомеа» рӯнамоӣ гардид
Донишгоҳи давлатии омӯзгорӣ ба раддабандии байналмилалии таҳқиқоти илмии байнифаннӣ барои соли 2027 ворид шуд
РӮЗИ ПРЕЗИДЕНТ — РАМЗИ ДАВЛАТДОРИИ НАВИН ВА ДАСТОВАРДҲОИ ТОҶИКИСТОНИ СОҲИБИСТИҚЛОЛ. Андешаҳо дар ин маврид
Дар Ёвон бинои иловагии муассисаи таълимӣ ва маркази инкишофи кӯдак ба истифода дода шуд
Дар ноҳияи Варзоб ду муассисаи нави таълимӣ барои 1485 хонанда ба истифода дода мешавад
Донишҷӯёни Донишгоҳи техникии Тоҷикистон дар Озмуни байналмилалии Cezeri Fest 2026 соҳиби ҷойи якум шуданд
ТАҲСИЛ КАРДАН ДЕРӢ НАДОРАД. Зиёда аз 8 ҳазор хонанда дар мактаби ғоибона ба таҳсил фаро гирифта шуданд
Дар Донишгоҳи байналмилалии забонҳои хориҷии Тоҷикистон Маркази имтиҳонии «linguaskill» ба фаъолият оғоз намуд
ИҶЛОСИЯИ XVI ШУРОИ ОЛӢ ВА ТАШАККУЛИ НИЗОМИ НАВИ ИДОРАКУНИИ ДАВЛАТ. Андешаҳо дар ин маврид
Донишкадаи Конфутсийи назди Донишгоҳи миллии Тоҷикистон бо сертификати «Беҳтарин маркази забономӯзӣ» сарфароз гардонида шуд
Дар Донишгоҳи технологии Тоҷикистон бахшида ба Рӯзи Президент конференсияи илмӣ доир шуд
Бахшида ба Рӯзи Президент дар Литсей барои хонандагони болаёқат дар шаҳри Душанбе ҳамоиш доир шуд