Ғиёсиддин Шарифзода: «Ноил шудан ба ҳадафҳои Паёми Президенти Тоҷикистон ба Маҷлиси Олӣ аз Парлумон минбаъд низ кори касбӣ ва масъулиятнок тақозо менамояд»
ДУШАНБЕ, 01.02.2024 /АМИТ «Ховар»/. Паёми Президенти Ҷумҳурии Тоҷикистон ба Маҷлиси Олӣ ҳадафҳои воқеии иҷтимоӣ, вазифаҳои нави стратегӣ, иқтисодӣ ва ҳуқуқиро фаро гирифта, барои ноил шудан ва татбиқи онҳо аз Парлумон минбаъд низ кори касбӣ ва масъулиятнок тақозо менамояд. Ин матлабро вакили Маҷлиси намояндагон Ғиёсиддин Шарифзода зимни вохӯрӣ бо фаъолони ноҳияи Айнӣ баён намуд, хабар медиҳад АМИТ «Ховар» бо истинод ба Мақомоти иҷроияи ҳокимияти давлатии ноҳияи Айнӣ.
Вакили Парлумон оид ба амалишавии ҳадафҳои стратегии Ҳукумати Ҷумҳурии Тоҷикистон, боло рафтани сатҳи некуаҳволии аҳолӣ, рушди соҳаҳои маориф, фарҳанг ва тандурустӣ, баланд шудани мавқеи зан дар ҷомеа, дастгирии қишри ҷавонон, тақвият бахшидани ҳифзи иҷтимоии аҳолӣ, нафақаҳои меҳнатӣ ва иҷтимоӣ, ҳифзи оромӣ ва осудагии мамлакат ва дигар нуктаҳое, ки дар Паёми Президенти Ҷумҳурии Тоҷикистон ба Маҷлиси Олӣ омадаанд, сухан гуфт.
«Дар Паёми Президенти Ҷумҳурии Тоҷикистон ба Маҷлиси Олӣ вазифаҳое, ки имрӯз мақомоти қонунгузор ва иҷроия дар назди онҳо қарор доранд, хеле дақиқ муайян гардидаанд. Муҳим он аст, ки тамоми афзалият ва самтҳои сиёсати дохилӣ ва хориҷӣ дуруст муайян шуда, институтҳои иҷтимоӣ инкишоф меёбанд, уҳдадориҳо ва ҳадафҳои стратегии мамлакат иҷро гардида, устувории вазъияти иқтисодӣ дар роҳи рушд қарор дорад», – тазаккур дода шуд дар вохӯрӣ.
Иброз гардид, ки имрӯз ҷаҳон дар ростои шадидтарин буҳронҳои иқтисодиву иҷтимоӣ ва ахлоқиву фарҳангӣ қарор дорад. Дар чунин вазъият давлате метавонад аз ин буҳронҳо эмин бошад, ки фарзандони донишманд, фазои орому осуда, суботи сартосарӣ дошта бошад. Имрӯзҳо, ки оромӣ ва ваҳдату ҳамдигарфаҳмӣ дар фазои мамлакат танинандоз аст, бояд ҳар сокин ба қадри ин неъмат бирасад ва дар ҳифзу нигоҳдошти ин оромӣ ҳамеша талош намояд.
Ёдовар мешавем, ки ин суҳбатҳо дар доираи мулоқоти вакилон бо интихобкунандагон дар ноҳияи Айнӣ баргузор мегарданд.
АКС: Мақомоти иҷроияи ҳокимияти давлатии ноҳияи Айнӣ
Раиси Маҷлиси намояндагон бо Сафири Беларус дар Тоҷикистон вохӯрӣ намуд
Дар иҷлосияи Маҷлиси намояндагон ба якчанд қонун тағйиру иловаҳо ворид гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Файзалӣ Идизода бо Аҳмад бин Муҳаммад Ал-Ҷарвон ба таври маҷозӣ вохӯрӣ намуд
Рустами Эмомалӣ аз шаҳри Тошканд ба шаҳри Бухоро ташриф оварданд
Ҷаласаи навбатии иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
Президенти Ҷумҳурии Узбекистон Шавкат Мирзиёев Рустами Эмомалиро бо ордени «Барои хизмати фидокорона» сарфароз гардониданд
Мулоқоти Рустами Эмомалӣ бо Президенти Ҷумҳурии Узбекистон Шавкат Мирзиёев
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ аз Маркази тамаддуни исломӣ дар шаҳри Тошканд боздид намуданд
Рустами Эмомалӣ бо Раиси Сенати Олий Мажлиси Ҷумҳурии Узбекистон Танзила Нарбаева мулоқот намуданд
Рустами Эмомалӣ дар Тошканд бо Нақшаи генералии лоиҳаи шаҳрсозии «Тошканди нав» шинос шуданд
Рустами Эмомалӣ дар назди муҷассамаи Истиқлолият дар боғи «Узбекистони Нав» гулчанбар гузоштанд
