МАДАНИЯТИ ШАҲРНИШИНӢ. Дар Хатлон нисбат ба онҳое, ки сабабгори ифлосшавии муҳити зист мегарданд, тадбирҳои қонунӣ меандешанд
ДУШАНБЕ, 28.02.2024 /АМИТ «Ховар»/. Бо мақсади ҳифзи муҳити зист ва бартарафнамоии ҳолатҳои харобиовари табиат дар доираи нақшаи чорабиниҳои мақсаднок аз ҷониби кормандони шуъбаи милитсияи экологӣ ва сайёҳии Вазорати корҳои дохилӣ дар вилояти Хатлон ҳамарӯза чорабиниҳои пешгирикунанда гузаронида шуда, амалҳои ба табиат харобиовари баъзе шаҳрвандон ошкор ва нисбаташон тадбирҳои қонунӣ андешида мешаванд. Дар ин хусус АМИТ «Ховар» бо истинод ба Раёсати Вазорати корҳои дохилӣ дар вилояти Хатлон хабар медиҳад.
Дар доираи як чорабинии мақсаднок дар ҳудуди шаҳри Бохтар якчанд манзараи ҳузнангез, ҳолатҳои ғайриқонунии дар ҷойҳои муқаррарнашуда партофтани партовҳо ва сари вақт тоза накардани партовгоҳҳо аз ҷониби масъулини Корхонаи воҳиди давлатии «Хоҷагии манзилию коммуналӣ»-и шаҳр ошкор ва муайян шуд.
Дар натиҷа нисбат ба масъулин ва раисони якчанд маҳаллаи шаҳри Бохтар, ки нисбат ба бартараф намудани камбудиҳои ҷойдошта бепарвоӣ зоҳир намудаанд, санадҳои ҳуқуқвайронкунии маъмурӣ тартиб дода шуданд.
Ҳадаф аз гузаронидани чорабиниҳои мақсаднок ҳифзи муҳити зист ва саломатии аҳолӣ, инчунин тозаву озода нигоҳ доштани муҳити атроф мебошад.
Бояд гуфт, ки вазифаи ҳар шахси соҳибватан ин аст, ки баҳри ҳифзи муҳити зист, тозаю озода нигоҳ доштани кӯчаю маҳал, табиат ва сарватҳои бебаҳои он бо рафтору кирдори накӯяш саҳм гузорад.
Дар Тоҷикистон ба масъалаҳои амнияти экологии аҳолӣ, тоза нигоҳ доштани муҳити зист, риояи қоидаҳои санитарию гигиенӣ дар ҷойҳои ҷамъиятӣ ва истифодаи самараноки унсурҳои табиат таваҷҷуҳи хосса зоҳир мегардад.
Боиси таассуф аст, ки баъзе масъулини сохторҳои марбутаи давлатӣ ва шаҳрвандон дар ин самт бетаваҷҷуҳӣ зоҳир намуда, дар бартарафнамоии омилҳои харобиовари муҳити зист саҳлангорӣ ва канораҷӯӣ менамоянд.
Аҳли ҷомеаро мебояд ҷиҳати пешгирии бемориҳои сироятӣ, ки омили асосияш мавҷуд будани партовҳо дар муҳити атроф аст, инчунин татбиқи раванди ободониву созандагӣ, маданияти шаҳрдорӣ ва тозаву зебо нигоҳ доштани муҳити зист дар канор набошанд.
Дар ин раванд шаҳрвандон бояд дар ободу зебо гардонидани муҳити атроф, баланд бардоштани маданияти шаҳрнишинӣ ва тарғиби тарзи ҳаёти солим пайваста саҳм гузоранд.
АКС: Раёсати Вазорати корҳои дохилӣ дар вилояти Хатлон
Дар Тоҷикистон ҷарроҳии мураккаби мағзи сар гузаронида шуд
Дурнамои рушди соҳаи таҳсилоти ибтидоӣ ва миёнаи касбӣ дар Тоҷикистон бо намояндагони Ассотсиатсияи кумак ва ёрии Ҷопон баррасӣ гардид
Ҳайати ҳокимияти судии Тоҷикистон дар Женева дар форуми байналмилалӣ иштирок намуд
«СОЛИМИИ ЗАН — СОЛИМИИ МИЛЛАТ». Дар шаҳри Гулистон беш аз 200 нафар занон бо муоинаи ройгон фаро гирифта шуданд
Дар Душанбе оид ба таҳкими ҳамкории минтақавӣ дар самти коҳиши хавфи офатҳо вохӯрӣ доир шуд
Маркази тадқиқоти стратегии Тоҷикистон бо Институти осиёии дипломатия ва муносибатҳои байналмилалии Непал Ёддошти тафоҳум ба имзо расонид
Муовини Сарвазири Тоҷикистон дар Конфронси минтақавии сатҳи баланд вобаста ба пешгирии зӯроварӣ нисбат ба кӯдакон иштирок намуд
Густариши ҳамкорӣ дар самти татбиқи системаҳои рақамӣ дар раванди таълим бо намояндагони Бунёди аврупоии маориф баррасӣ шуд
Дар муассисаҳои кумаки аввалини тиббию санитарии Тоҷикистон шакли намунавӣ амалӣ мегардад
ИМРӮЗ — РӮЗИ БАЙНАЛМИЛАЛИИ ЗАНОНИ ДЕҲОТ. Фаъолияти Раҳима Салимова дар деҳа намунаи ибрат аст
Маркази тадқиқоти стратегии Тоҷикистон ва Гурӯҳи муассисаҳои MERI-и Ҳиндустон ҳамкориро тақвият мебахшанд
РӮЗИ ҶАҲОНИИ КОҲИШИ ХАТАРИ ОФАТҲОИ ТАБИӢ. Барои пешгирӣ аз пайомадҳои офатҳои табиӣ шаҳрвандон низ бояд масъулиятшинос бошанд.
