МАРОТИБАИ АВВАЛ. Дар шаҳри Душанбе Олимпиадаи лоиҳавӣ баргузор мегардад

Февраль 16, 2024 10:41

ДУШАНБЕ, 16.02.2024. /АМИТ «Ховар»/. Бахшида ба Рӯзи пойтахт, ки ҳамасола шанбеи сеюми моҳи апрел гузаронида мешавад, барои хонандагони лаёқатманди ихтироъкор ва навовар маротибаи нахуст дар ҷумҳурӣ Олимпиадаи лоиҳавӣ баргузор мегардад. Дар ин хусус ба АМИТ «Ховар» сардори Раёсати муассисаҳои таҳсилоти томактабӣ ва миёнаи умумии Сарраёсати маорифи шаҳри Душанбе Асомиддин Бобозода хабар дод.

Бо ин мақсад дар Муассисаи давлатии «Маркази дарёфт ва рушди истеъдодҳои назди Сарраёсати маорифи шаҳри Душанбе» ҷаласаи кумитаи тадорукоти баргузории нахустин Олимпиадаи лоиҳавӣ баргузор гардид.

Гуфта шуд, ки ин тадбир бо мақсади амалӣ намудани фармони Президенти Ҷумҳурии Тоҷикистон муҳтарам Эмомалӣ Раҳмон аз 31 январи соли 2020 дар бораи эълон намудани «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» (2020-2040) амалӣ мешавад.

Ҳадафи асосии олимпиада баланд бардоштани сатҳу сифати таҳсил, ба эҷодкорӣ, навовариву ихтироъкорӣ, омӯзиши амиқи илмҳои дақиқ, ташаккули сатҳи фарҳанги техникӣ, тарғиби маданияти истифодаи иттилооти интернетӣ, ҷорӣ намудани техникаю технологияи инноватсионии муосир дар раванди таълим ҷалб намудану сайқал додани донишу маҳорат ва дастгирии ихтироъкорону навоварони наврасу ҷавон мебошад.

Иштирокчиёни озмун метавонанд дар олимпиада ба таври фардӣ (индивидуалӣ) ва ё даставӣ (гурӯҳӣ, ки шумораи он номаҳдуд аст) иштирок намоянд. Иштирокчии олимпиада ҳақ дорад лоиҳаҳои илмӣ-эҷодиашро аз рӯи намудҳои гуногун, ки дар шартҳои он нишон дода шудаанд, ба кумитаи тадорукот пешниҳод намояд.

Дар олимпиада хонандагони муассисаҳои таълимии шаҳри Душанбе, новобаста аз шакли моликият ва тобеият ҳуқуқи иштирок доранд.

АКС аз манбаъҳои боз

Февраль 16, 2024 10:41

Хабарҳои дигари ин бахш

Ҳамкории дуҷонибаи Тоҷикистон ва Узбекистон дар самти таҳсили олии касбӣ ва илм баррасӣ карда шуд
Роҳбарияти раёсати Вазорати корҳои дохилӣ дар Хатлон бо кормандони соҳаи маорифи минтақаи Кӯлоб мулоқот намуд
Дар Тошканд Форуми дуюми ректорони муассисаҳои таҳсилоти олии Тоҷикистон ва Узбекистон оғоз шуд
Барои омӯзгорони фанҳои табиатшиносӣ, дақиқ ва риёзӣ машварати омӯзишӣ гузаронида шуд
Дар Ашт бинои нави Муассисаи таҳсилоти миёнаи умумии №25 ба истифода дода шуд
ҲАТМӢ ГАРДИДАНИ ЗИНАИ СЕЮМИ ТАҲСИЛ ДАР ТОҶИКИСТОН. Шарҳи АМИТ «Ховар» дар ин мавзуъ
«АЗ ПЕШВО БИОМӮЗ, ДАРСИ ВАТАНПАРАСТӢ». Вобаста ба тарбияи ватандӯстии шаҳрвандон ҳамоиш доир шуд
Дар Донишгоҳи давлатии Кӯлоб дар доираи Ҳафтаи илм конференсияи илмӣ-назариявӣ гузаронида шуд
Президенти Ҷумҳурии Тоҷикистон Эмомалӣ Раҳмон бо роҳбарон ва фаъолони вилояти Суғд машварати корӣ доир намуданд
СОЛИ МАЪРИФАТИ ҲУҚУҚӢ. Бахшида ба он дар Донишгоҳи байналмилалии забонҳои хориҷии Тоҷикистон конференсияи ҷумҳуриявӣ доир шуд
Пешвои миллат Эмомалӣ Раҳмон дар шаҳри Истаравшан ба ятимон туҳфаҳо тақдим намуданд
Туҳфаҳои идонаи Пешвои миллат ба тарбиятгирандагони мактаб-интернатҳои ҷумҳурӣ расонида шуданд