Муассисаи давлатии «Тоҷикфилм» бо синамогарони хориҷӣ филмҳои муштарак ба навор мегирад
ДУШАНБЕ, 20.02.2024 /АМИТ «Ховар»/. Муассисаи давлатии «Тоҷикфилм» дар соҳаи филмофарӣ бо ташкилоту муассисаҳои байналмилалӣ ҳамкорӣ намуда, ҷиҳати таҳкими робитаю ҳамкорӣ бо синамогарони хориҷи дуру наздик филмҳои муштарак ба навор мегирад. Дар ин хусус АМИТ «Ховар» бо истинод ба маъмурияти «Тоҷикфилм» хабар медиҳад.
Дар асоси «Барномаи рушди кинои Ҷумҳурии Тоҷикистон барои солҳои 2023-2027» бо мақсади рушду таҳкими ҳамкорӣ дар соҳаи синамо Муассисаи давлатии «Тоҷикфилм» дар ҳамкорӣ бо Ҷамъияти дорои масъулияти маҳдуди «Триикс Медиа»- и Федератсияи Русия аз 5 то 13 феврал дар ҳудуди Ҷумҳурии Тоҷикистон қисмате аз саҳнаҳои силсилафилми ҳунарии «ВАО-и нави Русия»-ро, ки аз фаъолияту корнамоиҳои рӯзноманигорон қисса менамояд, наворбардорӣ намуд.
Саҳнаҳои филм асосан дар ҳудуди шаҳри Душанбе, аз ҷумла дар фурудгоҳи байналмилалӣ, Китобхонаи миллӣ, меҳмонхонаи «Ҳайят реҷенсӣ», бозори «Меҳргон», чойхонаи «Роҳат», Қалъаи Ҳисор, Осоишгоҳи «Хоҷа оби гарм» наворбардорӣ шуданд.
Дар раванди филмбардорӣ ҳунарпешаҳо, нақшофарон ва муҳассилини мактабҳои олии мамлакат ҷалб гардида, нақшҳои лаҳзавию умумӣ офариданд.
Хотирнишон менамоем, ки ин лоиҳаи дуюми синамоӣ аст, ки Муассисаи давлатии «Тоҷикфилм» дар ҳамкорӣ бо «Триикс Медиа»-и Федератсияи Русия рӯйи навор меорад.
Соли 2023 як қисми силсилафилми ҳунарии «Комитет», ки доир ба рӯзгору фаъолияти кормандони мақомоти амният қисса мекард, аз ҷониби ин ҷамъият дар ҳамкорӣ бо «Тоҷикфилм» дар ҳудуди Ҷумҳурии Тоҷикистон наворбардорӣ гардида, тавассути шабакаи телевизионии «НТВ»-и Русия намоиш дода шуд.
АКС: Муассисаи давлатии «Тоҷикфилм»
«ТОҶИКИСТОН-КИШВАРИ ЁДГОРИҲОИ НОДИР». Дар Рим ёдгориҳои нодири таърихию фарҳангии Тоҷикистон ба маърази тамошо гузошта мешаванд
«Шоҳҷоиза»-и сеюмин Синамоҷоизаи миллии «Тоҷи Сомон» ба филми «Дурахши ахтарон: Ҷомӣ ва Навоӣ» тақдим гардид
Ҷаласаи Шурои директорони киностудияҳои кишварҳои аъзои ИДМ доир шуд
Имрӯз даври чоруми Озмуни ҷумҳуриявии «Илм — фурӯғи маърифат» оғоз мегардад
Радиои «Ҳисори Шодмон» расман ба фаъолият шуруъ намуд
Дилрабо Мансурӣ бо ҷараёни баргузории даври ниҳоии Озмуни ҷумҳуриявии «Тоҷикистон-Ватани азизи ман» шинос шуд
Дар Осорхонаи миллии Тоҷикистон толори Сомониён пас аз навсозӣ ифтитоҳ гардид
РӮЗҲОИ СИНАМОИ ҚИРҒИЗИСТОН. Дар кинотеатри «Наврӯз»-и Душанбе се филми қирғизӣ ба намоиш гузошта мешавад
«ШОҲИ ТАОМҲО». Фестивали «Оши палав» ва Намоиш-фурӯши шолӣ ва биринҷ бо шукӯҳу шаҳомати хос доир гардид
«ОМАД ХУҶАСТА МЕҲРГОН, ҶАШНИ БУЗУРГИ ХУСРАВОН!». Дар Душанбе Иди Меҳргон таҷлил гардид
Президенти Тоҷикистон: «Меҳргон бояд ба омили рушди фарҳанг, сайёҳӣ ва иқтисоди миллӣ табдил дода шавад»
МЕҲРГОН-ҶАШНИ БАРАКАТУ ФАРОВОНӢ ВА МЕҲРУБОНӢ. Иқтибосҳо аз суханрониҳои Президенти Тоҷикистон
