Нақшаҳои генералии маркази 65 шаҳру ноҳияи Тоҷикистон таҳия гардидааст
ДУШАНБЕ, 10.02.2024 /АМИТ «Ховар»/. Дар айни замон нақшаҳои генералии маркази 65 шаҳру ноҳияи ҷумҳурӣ пурра омода буда, соли 2023 лоиҳаҳои муффасали банақшагирии 11 маркази ноҳияҳои ҷумҳурӣ таҳия гардид. Дар ин хусус зимни нишасти матбуотии Кумитаи меъморӣ ва сохтмони назди Ҳукумати Ҷумҳурии Тоҷикистон иттилоъ дода шуд.
Иброз гардид, ки дар айни замон таҳияи нақшаи генералии шаҳри Хоруғ дар таҳрири нав, лоиҳаҳои муфассали банақшагирии марказҳои шаҳру ноҳияҳои Турсунзода, Панҷакент, Варзоб, Абдураҳмони Ҷомӣ, Сангвор, Хуросон ва Рӯшон, инчунин таҳияи лоиҳаи муффасали банақшагирии қисматҳои алоҳидаи шаҳру ноҳияҳои Бохтар, Ваҳдат, Ёвон, Исфара, Бӯстон ва шаҳраки Сомониёни ноҳияи Рӯдакӣ идома дорад.
Ба гуфтаи Раиси Кумитаи меъморӣ ва сохтмони назди Ҳукумати Ҷумҳурии Тоҷикистон Низом Мирзозода, мутобиқ ба талаботи Кодекси шаҳрсозии Ҷумҳурии Тоҷикистон дар ҳудуди ҷумҳурӣ нисбат ба сифати корҳои сохтмонию васлкунӣ дар 1035 иншооти сохташаванда санҷиш гузаронида шуд, ки дар натиҷа 5926 камбудӣ ошкор гардид
Иттилоъ дода шуд, ки дар асоси нақшаи чорабиниҳои мақомоти иҷроияи маҳаллии ҳокимияти давлатии шаҳру ноҳияҳои ҷумҳурӣ ҷиҳати омодагӣ ба ҷашни 35-солагии Истиқлоли давлатии Ҷумҳурии Тоҷикистон ба ҳолати 1 январи соли 2024 дар маҷмуъ дар ҷумҳурӣ 28 348 иншоот ба нақша гирифта шудааст. Дар айни замон 10 071 иншоот ба истифода дода шуда, дар 7946 иншоот корҳо идома доранд ва дар 0367 иншоот корҳо то ҳол оғоз нагардидаанд.
Шаҳлои САДРИДДИН,
АМИТ «Ховар»
АКС: АМИТ «Ховар»
Ҷумҳурии Тоҷикистон Конвенсияи Созмони Милали Муттаҳид дар бораи ҳуқуқҳои маъюбонро тасдиқ кард
Забони тоҷикӣ дар фазои рақамӣ: аз пайкараи матнӣ то истилоҳоти ягона
Дар Душанбе симпозиум доир ба соҳаи онкология оғоз гардид
Барои маблағгузории нафақа беш аз 4 миллиард сомонӣ равона гардидааст
Форуми байналмилалии ҷавонони СҲШ оид ба ҳамкорӣ барои ояндаи устувор доир шуд
ИМРӮЗ-РӮЗИ БАЙНАЛМИЛАЛИИ КОҲИШИ ХАТАРИ ОФАТҲОИ ТАБИӢ. Дар Тоҷикистон барои пешгирии хатари офатҳо беш аз 60 миллион сомонӣ ҷудо гардидааст
Конференсияи илмӣ оид ба саҳми экспедитсияи бостоншиносӣ дар омӯзиши Панҷакенти қадим баргузор мегардад
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
Рӯзи дарҳои кушоди Академияи хурди илмҳои Тоҷикистон баргузор шуд
ТАРЗИ ҲАЁТИ СОЛИМ. Камҳаракатӣ барои пайдоиши бемориҳои гуногун замина фароҳам меорад
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Шахсони дорои масунияти заиф бештар ба зуком гирифтор мешаванд
