НИШАСТИ МАТБУОТӢ. Ҳаҷми истеҳсоли маҳсулоти саноатӣ дар Фархор ба беш аз 287 миллион сомонӣ расонида шуд
КӮЛОБ, 07.02.2024 /АМИТ «Ховар»/. Соли 2023 ҳаҷми истеҳсоли маҳсулоти саноатӣ дар ноҳияи Фархори вилояти Хатлон ба 287 миллиону 553,6 ҳазор сомонӣ расонида шуд, ки ба 110,8 фоизи нақша баробар аст. Дар ин хусус Раиси ноҳияи Фархор Зариф Назирӣ 6 феврал зимни нишасти матбуотӣ ба хабарнигорон иттилоъ дод.
Гуфта шуд, ки ҳоло дар ноҳияи Фархор 35 корхонаи саноатӣ: 4 корхонаи коркарди пахта, 6 коргоҳи хурди нассоҷӣ, 2 коргоҳи хурди коркарди шир, 1 коргоҳи консервабарорӣ, 1 корхонаи хурди қаннодиву истеҳсоли нон, 4 корхонаи дӯзандагӣ, 3 коргоҳи истеҳсоли блоки сементӣ, 2 фермаи мурғпарварӣ, 2 корхонаи истеҳсоли биринҷ ва орд, 2 корхонаи коркарди дару тирезаи пластикӣ, 2 корхонаи истеҳсоли хишти пухта, 1 корхонаи коркарди тунука, 1 корхонаи коркарди истеҳсоли макарон ва 3 корхонаи оби нӯшокӣ бо фарогирии 3 ҳазор ҷойи кор фаъолият менамоянд.
Дар баробари ин корхонаҳо соли 2023 дар ноҳияи Фархор 6 коргоҳу корхонаи нави истеҳсолӣ ба истифода дода шуд.
Зимни нишасти матбуотӣ гуфта шуд, ки бо мақсади дар сатҳи баланд пешвоз гирифтани 35-солагии Истиқлолияти давлатии Ҷумҳурии Тоҷикистон дар ноҳияи Фархор бунёди 400 иншооти таъйиноти гуногун ба нақша гирифта шудааст. 41 бинову иншоот дар шаҳраки Фархор, 38 иншоот дар деҳоти Фархор, 43 иншоот дар Ҷамоати деҳоти Ватан, 44 иншоот дар Ҷамоати деҳоти Хуросон, 45 иншоот дар Ҷамоати деҳоти Зафар, 43 иншоот дар Ҷамоати деҳоти Деҳқонобод, 40 иншоот дар Ҷамоати деҳоти Гулшан, 21 иншоот дар Ҷамоати деҳоти Дарқад, 52 иншоот дар Ҷамоати деҳоти Истиқлол ва 33 иншоот дар Ҷамоати деҳоти Хутан бунёд мешаванд.
Тибқи нақша соли 2023 дар ноҳияи Фархор бояд 75 иншоот ба истифода дода мешуд. Дар ин сол нақша барзиёд иҷро шуда, 83 иншоот мавриди баҳрабардорӣ қарор гирифт, ки 110,6 фоизи нақшаи пешбинишударо ташкил дод.
АКС: АМИТ «Ховар»
Дар вилояти Суғд 109 корхонаи нави саноатӣ таъсис гардид
Дар ноҳияи Восеъ иншооти гуногуни иҷтимоӣ ба истифода дода шуданд
СОЛҲОИ РУШДИ САНОАТ. Дар шаҳри Кӯлоб 77 корхонаи саноатӣ фаъолият менамояд
Фаъолияти босамари корхонаи муштараки «Зарафшон»-и Панҷакент ба рушди саноат нигаронида шудааст
Сарвари давлат Эмомалӣ Раҳмон барои бунёди маҷмааи нассоҷӣ дар Минтақаи озоди иқтисодии Кӯлоб санги асос гузоштанд
Президенти Ҷумҳурии Тоҷикистон Эмомалӣ Раҳмон ба таври фосилавӣ 17 иншоотро дар ҳудуди шаҳри Кӯлоб ифтитоҳ намуданд
Сарвари давлат Эмомалӣ Раҳмон бинои нави маъмурияти минтақаи озоди иқтисодии «Кӯлоб»-ро мавриди баҳрабардорӣ қарор доданд
Сарвари давлат Эмомалӣ Раҳмон дар минтақаи озоди иқтисодии Кӯлоб корхонаи истеҳсоли қисмҳои эҳтиётии автомобилӣ ҶДММ «Тоҷик-Алмос»-ро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Кӯлоб корхонаи истеҳсоли нӯшокиҳои ташнагишикани ҶДММ «Мабно»-ро ба истифода доданд
Пешвои миллат Эмомалӣ Раҳмон бо лоиҳаи сохтмони Маркази агрологистикӣ дар шаҳри Хоруғ шинос шуданд
Сарвари давлат Эмомалӣ Раҳмон дар минтақаи саноатии Хоруғ 3 корхонаи нави саноатиро ба истифода доданд
Ҳамкории Тоҷикистон бо Британияи Кабир дар соҳаи саноат баррасӣ гардид
