НИШАСТИ МАТБУОТӢ. Ҳаҷми умумии даромади Буҷети давлатии Тоҷикистон ба 43,2 миллиард сомонӣ баробар гардид
ДУШАНБЕ, 16.02.2024 /АМИТ «Ховар»/. Дар иртибот ба рушди иқтисоди мамлакат ҳаҷми умумии даромади Буҷети давлатӣ бо назардошти маблағҳои барои татбиқи лоиҳаҳои давлатии сармоягузорӣ ҷалбшуда ва маблағҳои махсуси муассисаю ташкилоти буҷетӣ ба 43,2 миллиард сомонӣ баробар гардида, иҷрои нақшаи нишондиҳандаҳо 103,5 фоиз таъмин гардид. Дар ин хусус 16 феврал Вазири молияи Ҷумҳурии Тоҷикистон Файзиддин Қаҳҳорзода зимни нишасти матбуотӣ ба доираи хабарнигорони ватанию хориҷӣ иттилоъ дод.
Вазири молияи мамлакат афзуд, ки соли 2023 иҷрои нақшаи даромади ҷории буҷети давлатӣ бо назардошти грантҳо барои дастгирии буҷет дар сатҳи 107,4 фоиз таъмин гардида, воридоти маблағҳо 28,6 миллиард сомониро ташкил дод. Гуфта шуд, ки воридоти маблағҳо аз нақшаи пешбинигардида 2,0 миллиард сомонӣ зиёд мебошад.
Файзиддин Қаҳҳорзода ҳамзамон иброз намуд, ки соли 2023 аз ҳисоби даромади дохилӣ тавассути Кумитаи андози Тоҷикистон ба буҷети давлатӣ 17,7 миллиард сомонӣ ворид гардид, ки нисбат ба нақшаи аниқшуда 650 миллион сомонӣ зиёд аст. Инчунин аз ҳисоби фаъолияти иқтисодии берунӣ тавассути Хадамоти гумрук 9,1 миллиард сомонӣ ба буҷет ворид гардид, ки иҷрои нақша 113,4 фоиз таъмин гардид. Таъкид шуд, ки барзиёдии воридоти маблағҳо ба буҷет аз ин ҳисоб нисбат ба нақша 1,1 миллиард сомониро ташкил дод.
Марзия САИДЗОДА,
АМИТ «Ховар»
АКС: АМИТ «Ховар»
Дар Рӯзи кормандони соҳаи энергетика фаъолони соҳа қадрдонӣ шуданд
ИМРӮЗ-РӮЗИ ЭНЕРГЕТИКҲО. Неругоҳи барқи обии «Роғун» беназиртарин тарҳи гидроэнергетикӣ дар минтақа аст
Дар Агентии содироти Тоҷикистон бахшида ба Соли маърифати ҳуқуқӣ ҳамоиш баргузор шуд
Барои татбиқи лоиҳаи «Барномаи рушди НБО-и «Роғун», марҳилаи 1» 270 миллион доллар ҷудо гардид
Коршиносони ширкати Чин бо шароити хизматрасонии ҳаракати ҳавоӣ дар «Тоҷикаэронавигатсия» шинос шуданд
Озмуни байналмилалии «Кашфи олами моликияти зеҳнӣ» ҷамъбаст шуд
Вобаста ба нақши дипломатияи фарҳангӣ дар рушди иқтисоди Тоҷикистон ва Эрон ҳамоиш доир шуд
Мулоқоти Қоҳир Расулзода бо Директори генералии Фонди кувайтии рушди иқтисодиёти араб Валид Ал-Баҳар
Бахшида ба Рӯзи кормандони соҳаи энергетика дар неругоҳи «Сангтӯда -1» ҳамоиши тантанавӣ доир шуд
Барои татбиқи лоиҳаи «Маблағгузории устувор барои НБО-и «Роғун» созишномаи молиявӣ ба имзо расид
Дар Маркази миллии патенту иттилоот ҷаласаи муштарак доир гардид
Дар Душанбе масъалаи идоракунии захираҳои табиӣ ва тағйирёбии иқлим баррасӣ гардид
