НИШАСТИ МАТБУОТӢ. Ба соҳаи соҳибкории Тоҷикистон беш аз 10 миллиард сомонӣ қарз пешниҳод шуд
ДУШАНБЕ, 13.02.2024 /АМИТ «Ховар»/. Аз ҷониби ташкилоти қарзии молиявӣ соли 2023 ба соҳаи соҳибкории мамлакат беш аз 10 миллиард сомонӣ қарз пешниҳод гардид. Тибқи омор, тавассути низоми «Равзанаи ягона» ба ҳолати 1 январи соли 2024 дар миқёси ҷумҳурӣ 350,2 ҳазор субъекти хоҷагидор фаъолият менамояд, ки нисбат ба ҳамин давраи соли 2022 10 ҳазору 138 адад ё 2,9 фоиз зиёд мебошад.
Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода имрӯз дар Душанбе дар ҷараёни нишасти матбуотӣ ба доираи васеи хабарнигорони ватанию хориҷӣ иттилоъ дод, ки ҷиҳати баланд бардоштани маърифати иқтисодию ҳуқуқии соҳибкорон ва ҷорӣ намудани усулҳои муосири соҳибкорӣ аз ҷониби кумита тадбирҳои муассир амалӣ мегарданд. Аз ҷумла, соли 2023 аз ҷониби Муассисаи давлатии «Ташаккул ва рушди соҳибкории Тоҷикистон» ва бахшҳои он дар шаҳрҳои Хуҷанд, Бохтар, Хоруғ, Кӯлоб ва ноҳияи Рашт беш аз 230 чорабинии омӯзишӣ ва корҳои фаҳмондадиҳӣ бо доираи васеи намояндагони бахши хусусӣ гузаронида шуданд.
Номбурда афзуд, ки вобаста ба идомаи ислоҳот дар самти такмили қонунгузорӣ ва дар доираи як санади меъёрии ҳуқуқӣ танзими муносибатҳои иҷозатдиҳӣ, иҷозатномадиҳӣ ва дигар намуди ҳуҷҷатҳои дорои хусусияти иҷозатдиҳӣ, лоиҳаи Қонуни Ҷумҳурии Тоҷикистон «Дар бораи низоми иҷозатдиҳӣ» бо тартиби муқарраргардида дар таҳрири нав таҳия гардид, ки он 22 июни соли 2023 қабул ва мавриди амал қарор дода шуд. Дар доираи ин тадбир кам намудани шумораи умумии номгӯи ҳуҷҷатҳои дорои хусусияти иҷозатдиҳӣ то 25 дарсад пешбинӣ шудааст, ки ин ба иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон дар Паём ба Маҷлиси Олӣ ҷиҳати то 60 фоиз коҳиш додани номгӯи ҳуҷҷатҳо замина мегардад.
Ҳамзамон барои мутобиқ намудани санадҳои меъёрии ҳуқуқии соҳавӣ ба Қонуни нави Ҷумҳурии Тоҷикистон «Дар бораи низоми иҷозатдиҳӣ» Нақшаи амал оид ба таҳия ва пешниҳоди лоиҳаҳои санадҳои меъёрии ҳуқуқии танзимкунандаи соҳаи низоми иҷозатдиҳии Ҷумҳурии Тоҷикистон омода гардида, бо вазорату идораҳои марбута корбарӣ идома дорад.
Марзия САИДЗОДА,
АМИТ «Ховар»
АКС: АМИТ «Ховар»
Дар Тоҷикистон шумораи субъектҳои хоҷагидори амалкунанда беш аз 100 ҳазор зиёд гардидааст
Дар Тоҷикистон дар 25 соли охир ҳаҷми истеҳсоли маҳсулоти кишоварзӣ 122 баробар афзоиш ёфтааст
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
