НИШАСТИ МАТБУОТӢ. Дар шаҳри Ваҳдат 112 синфхонаи иловагӣ бо 2635 ҷойи нишаст сохта мешавад
ДУШАНБЕ, 09.02.2024 /АМИТ «Ховар»/. Соли 2023 дар назди муассисаҳои таълимии шаҳри Ваҳдат 38 синфхонаи иловагӣ ба истифода дода шуда, бинои муассисаи таълимии №103, ки аз сӯхтор зарар дида буд, пурра аз таъмир бароварда шуда, бо мизу курсӣ таъмин гардид. Дар айни замон дар назди 17 муассисаи таълимии шаҳр сохтмони 112 синфхонаи иловагӣ бо 2635 ҷойи нишаст бо маром идома дошта, то ҷашни 35-солагии Истиқлоли давлатии Ҷумҳурии Тоҷикистон зина ба зина ба истифода дода мешаванд. Чунин иттилоъ дод Раиси шаҳри Ваҳдат Мирзо Исмоилзода зимни нишасти матбуотӣ.
Тазаккур дода шуд, ки ҳоло дар маҳаллаи 14 сохтмони бинои мактаб барои 1280 ҷойи нишаст барои ду баст идома дорад. Дар назар аст, ки он то ҷашни 35-солагии Истиқлоли давлатии Ҷумҳурии Тоҷикистон мавриди истифода қарор дода шавад.
Иброз шуд, ки дар соли таҳсили 2022-2023 дар деҳаи Меҳргони Ҷамоати деҳоти А.Абдулвосиев бинои сеошёнаи замонавии таълимӣ бо 480 ҷойи нишаст дар як баст аз ҷониби соҳибкори маҳаллӣ Рустам Ҳикматуллоев ба истифода дода шуд, ки дар маросими ифтитоҳи он Президенти Ҷумҳурии Тоҷикистон муҳтарам Эмомалӣ Раҳмон иштирок намуданд.
Раиси шаҳр иттилоъ дод, ки кормандони соҳаи иҷтимоӣ соли 2023 барои дар амал татбиқ намудани сиёсати Ҳукумати Ҷумҳурии Тоҷикистон ҷаҳду талоши зиёд намуданд. Аз ҷумла, 3951 омӯзгори 153 муассисаи таълимии шаҳр 93 640 талаба, 292 нафар омӯзгорони муассисаҳои таълимии миёнаи касбӣ 3485 нафар ва 46 омӯзгору устоҳои таълимии истеҳсолии Литсейи касбии техникӣ 246 донишҷуёнро ба таълиму тарбия фаро гирифтанд.
Соли 2023 аз шумораи 3293 нафар хатмкунандагони синфи 11-и муассисаҳои таълимии шаҳр 1850 (56,2%) нафарашон барои супоридани имтиҳонҳо ба Маркази миллии тестӣ роҳ ёфтанд. Аз ин шумора 1351 (73,0%) нафар донишҷӯи муассисаҳои олӣ шуданд, ки 480 нафарашон (35,5%) духтарон мебошанд.
АКС аз бойгонӣ
Сабзалӣ Ҷаъфарзода: «Таъсиси Маркази миллии тестӣ аз ҷумлаи ислоҳоти муҳимми соҳаи маориф дар даврони соҳибистиқлолии Тоҷикистон аст»
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
Маркази миллии тестӣ натиҷаҳои озмуни тақсимоти такрории давраи сеюми имтиҳонҳои дохилшавиро эълон намуд
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
Байни Маркази барномаҳои байналмилалӣ ва Муассисаи фарҳангии АКК Созишнома оид ба омӯзиши забони ҷопонӣ ба имзо расид
Дар шаҳри Ҳисор бинои мактаб, варзишгоҳ ва коргоҳи дӯзандагӣ ба истифода дода шуд
Дар даврони соҳибистиқлолӣ дар шаҳри Кӯлоб 53 бинои муассисаи таълимӣ ба истифода дода шуд
Давраи чоруми бақайдгирии довталабон барои иштирок дар ИМД-2026 баргузор мегардад
