НИШАСТИ МАТБУОТӢ. Дар назди муассисаҳои илмӣ ва таҳсилоти олии касбии Тоҷикистон 74 шурои диссертатсионӣ таъсис ёфтааст
ДУШАНБЕ, 12.02.2024 /АМИТ «Ховар»/. Аз ибтидои фаъолияти Муассисаи давлатии «Комиссияи олии аттестатсионии назди Президенти Ҷумҳурии Тоҷикистон» барои таъсиси шуроҳои дисссертатсионӣ аз муассисаҳои илмӣ ва таҳсилоти олии касбии ҷумҳурӣ 249 дархост ворид гардидааст, ки аз онҳо 132 дархост қонеъ, 115 дархост бо сабаби ҷавобгӯ набудан ба талаботи санадҳои меъёрии ҳуқуқии амалкунанда рад гардида, ду дархости дигар дар баррасӣ қарор дорад. Дар ин хусус раиси Комиссияи олии аттестатсионӣ профессор Сайфиддин Давлатзода имрӯз зимни нишасти матбуотӣ оид ба натиҷаҳои фаъолият дар соли 2023 ба хабарнигорон иттилоъ дод.
Иттилоъ дода шуд, ки дар айни замон дар назди муассисаҳои илмӣ ва таҳсилоти олии касбии мамлакат 74 шурои диссертатсионӣ таъсис дода шудааст, ки аз рӯи 180 ихтисос барои дарёфти дараҷаҳои илмии номзади илм, доктори илм ва доктори фалсафа (PhD)-доктор аз рӯи ихтисос диссертатсияҳо қабул ва дастрас мегарданд. Ҳамчунин дар ҷумҳурӣ 19 шурои диссертатсионии Комиссияи олии аттестатсионии назди Вазорати илм ва таҳсилоти олии Федератсияи Русия аз рӯи 46 ихтисос фаъолият дорад.
Дар самти ҳимояи диссертатсияҳо гуфта шуд, ки нисбат ба ҳамин давраи соли гузашта ҳимояи рисолаҳои илмӣ 237 адад зиёд мебошад. Аз ин теъдод 26 парванда барои дарёфти дараҷаи илмии доктори илм, 181 парванда барои дарёфти дараҷаи илмии номзади илм ва 30 парванда барои дарёфти дараҷаи илмии доктори фалсафа (PhD)-доктор аз рӯи ихтисос мебошад.
Ҳоло дар ҷумҳурӣ 5 ҳазору 628 нафар дорои дараҷаи илмӣ буда, 886 нафар доктори илм, 4 ҳазору 622 нафар номзади илм ва 120 нафар доктори фалсафа (PhD)-доктор аз рӯи ихтисос мебошанд.
Акрам САНГЗОДА,
АМИТ «Ховар»
АКС: АМИТ «Ховар»
АЗ МЕРОСИ МИЛЛӢ ТО САРМОЯИ ИЛМИИ БАШАРИЯТ. Дар ҳошияи таъсиси Ҷоизаи байналмилалии Абуалӣ ибни Сино
Дар Донишгоҳи технологии Тоҷикистон ғолибони озмунҳои ҷумҳуриявӣ ва байналмилалӣ қадрдонӣ шуданд
Бахшида ба Рӯзи байналмилалии ҳифзи кӯдакон дар шаҳри Душанбе ҳамоиш доир гардид
Доир ба Конвенсияи Ромсар ва аҳамияти байналмилалии он нишасти илмӣ баргузор гардид
Таъсиси Ҷоизаи байналмилалии Абӯалӣ ибни Сино дар соҳаи тиб — заминаи густариши илми тиб, муаррифии шахсият ва осори тоҷикон дар арсаи ҷаҳон
Доир ба нақши Президенти Тоҷикистон дар гиромидошти қаҳрамонони миллат ҳамоиш баргузор шуд
Дар Душанбе масъалаҳои рушди соҳаи илму маориф бо ректори Донишгоҳи СММ баррасӣ гардид
Коршиносони хориҷӣ нақши Тоҷикистонро чун давлати ташаббускор дар ҳалли масъалаҳои глобалии обу иқлим назаррас арзёбӣ намуданд
Ҳамкории Донишгоҳи байналмилалии сайёҳӣ ва соҳибкории Тоҷикистон бо Донишгоҳи СММ тақвият меёбад
Дар Донишгоҳи байналмилалии сайёҳӣ ва соҳибкории Тоҷикистон олимпиадаи ҷумҳуриявӣ ҷамъбаст шуд
ИҚДОМИ ТАЪРИХИИ ПЕШВОИ МИЛЛАТ. Он насли наврасро водор месозад, ки аз қаҳрамонии гузаштагон сабақи зиндагӣ гиранд
Донишгоҳи технологии Тоҷикистон ҳамкориро бо JICA дар соҳаи зеҳни сунъӣ ва инноватсия таҳким мебахшад
