НИШАСТИ МАТБУОТӢ. Гардиши савдои хориҷии Тоҷикистон ба 8 млрд 328, 9 млн доллар баробар гардид
ДУШАНБЕ, 13.02.2024 /АМИТ «Ховар»/. Гардиши савдои хориҷии Ҷумҳурии Тоҷикистон соли 2023 ба таври назаррас афзоиш ёфта, ба 8 млрд 328,9 млн доллар баробар гардид, ки нишондиҳандаи баландтарин дар таърихи соҳибистиқлолӣ ба ҳисоб меравад. Ин нишондиҳанда нисбат ба ҳамин давраи ҳисоботӣ 13,9 фоиз бештар мебошад. Дар ин хусус имрӯз зимни нишасти матбуотӣ Вазири рушди иқтисод ва савдои Ҷумҳурии Тоҷикистон Завқӣ Завқизода иттилоъ дод.
Иброз гардид, ки бо амалӣ шудани «Барномаи давлатии рушди содирот барои солҳои 2021-2025» дар мамлакат ҳиссаи содирот афзоиш ёфт. Дар ин давра содироти мол 2448,8 млн долларро ташкил намуд, ки нисбат ба ҳамин давраи ҳисоботӣ 13,9 фоиз ё 1019,4 млн доллар зиёд мебошад.
Завқӣ Завқизода изҳор намуд, ки тибқи таҳлилҳои Вазорати рушди иқтисод ва савдои Ҷумҳурии Тоҷикистон, 77 фоизи молу маҳсулоте, ки Ҷумҳурии Тоҷикистон ворид менамояд, пеш аз ҳама, ба истеҳсол ва рушди бахши воқеӣ равона шудааст.
«Барои боло бурдани бахши содиротӣ моро зарур меояд, ки ашёи нимтайёр, технологияҳо, сӯзишворӣ, чӯбу тахта ва ғайра ворид намоем. Ин, пеш аз ҳама, барои тақвияти иқтисоди содиротии мо зарур мебошад. Аз ҳама муҳим, имрӯзҳо тамоюли мусбати болоравии ҳиссаи содирот дар гардиши савдои хориҷии мамлакат эҳсос мешавад, ки ин хеле назаррас аст»,-гуфт мавсуф.
Иттилоъ дода шуд, ки солҳои охир дар натиҷаи ба роҳ мондани истеҳсоли молҳои ватанӣ ҳаҷми воридоти гӯшти мурғ, обҳои ташнагишикан, маҳсулоти қаннодӣ, меваҳои ситрусӣ, маргарин, орд, маҳсулоти ширӣ нисбат ба солҳои қаблӣ ба таври назаррас коҳиш ёфтааст.
Шаҳлои САДРИДДИН,
АМИТ «Ховар»
АКС: АМИТ «Ховар»
Дар Минск масъалаҳои рушди ҳамкории геологӣ дар доираи ИДМ баррасӣ гардиданд
Дар вилояти Суғд ҳар сол қариб дар 35 ҳазор гектар кишти такрорӣ гузаронида мешавад
Густариши робитаҳои мустақими соҳибкорӣ байни Тоҷикистон ва Эрон баррасӣ гардид
Рушди робитаҳои тиҷоратию сармоягузории бахши хусусӣ байни Тоҷикистон ва Чин баррасӣ карда шуд
Дурнамои ҳамкорӣ байни вазоратҳои молияи Тоҷикистон ва Полша баррасӣ гардид
Масоили соҳаи роҳсозӣ ва роҳдорӣ дар Осиёи Марказӣ дар Конфронси панҷуми байналмилалии CARS-2026 дар Душанбе баррасӣ гардид
Ҳайати Тоҷикистон дар ҷаласаи Шурои ҳамоҳангсозии роҳбарони мақомоти тафтиши андозии кишварҳои аъзои ИДМ иштирок намуд
«Shohin Airlines» як ҳавопаймои навъи L-410-ро вориди парки ҳавопаймоҳояш намуд
Дар Брест ҷаласаи 83-юми Шурои роҳбарони хадамоти гумруки давлатҳои ИДМ баргузор гардид
Форуми «CAPIF-5» дар Душанбе ба таҳкими пайвастагии рақамӣ ва рушди ҳамкории интернетии Осиёи Марказӣ бахшида шуд
Файзиддин Қаҳҳорзода ва Лорд Ҷон Алдердайс самтҳои афзалиятноки соҳаҳои идоракунии молияи давлатӣ ва рақамикунониро баррасӣ намуданд
Ба татбиқи барномаҳои иҷтимоию иқтисодии вилояти Суғд зиёда аз 40 миллиард сомонӣ равона гардид
