НИШАСТИ МАТБУОТӢ. Соли 2023 ба Тоҷикистон 2,7 миллиард доллар сармояи хориҷӣ ворид гардид
ДУШАНБЕ, 13.02.2024 /АМИТ «Ховар»/. Соли 2023 ба Тоҷикистон 2,7 миллиард доллар сармояи хориҷӣ ворид гардид, ки нисбат ба соли 2022 113,6 миллион доллар ё 4,4 фоиз зиёд мебошад. Дар ин хусус Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода 13 феврал зимни нишасти матбуотӣ ба хабарнигорон иттилоъ дод.
Гуфта шуд, ки соли 2023 бо мақсади муаррифии имконияти сармоягузории мамлакат, ҷалби сармояи мустақим ва диверсификатсияи он мулоқоти маҷозии соҳибкорони Тоҷикистон бо соҳибкорони Швейтсария ва Испания баргузор гардид.
Инчунин ҷаласаи аввали Гурӯҳи корӣ оид ба ҷалби сармояи мустақим аз Ҷумҳурии Беларус, Конфронси нуҳум оид ба ҳамкории байниминтақавии Тоҷикистон ва Русия, Анҷумани сармоягузорӣ ва рушди Тоҷикистон дар Лондон, форуму ҳамоишҳои сармоягузории Тоҷикистон ва Озарбойҷон, Қазоқистон, Туркманистон, Корея, Чехия, Олмон, мулоқоти дуҷониба байни сохторҳои давлатию хусусии Тоҷикистон ва Русия, форумҳои байналмилалии сармоягузории «Помиринвест-2023» ва «Душанбеинвест-2023» ва Форуми сармоягузории «Тоҷикистон ва Эрон» доир гардиданд.
Дар доираи форумҳои сармоягузорӣ якчанд санади тиҷоратию сармоягузорӣ ба имзо расонида шуда, ҷиҳати оғози татбиқи онҳо аз ҷониби сохторҳои дахлдори давлатию бахши хусусӣ кор бурда мешавад.
Марзия САИДЗОДА,
АМИТ «Ховар»
АКС: АМИТ «Ховар»
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
Ҷалби сармоя барои татбиқи лоиҳаҳои афзалиятноки Тоҷикистон дар Бангкок баррасӣ гардид
«СОҲИБКОРИИ ЗАНОН: ИМКОНИЯТҲО, НАВОВАРӢ ВА РУШДИ УСТУВОР».Таҳти ин унвон ҳамоиш баргузор шуд
Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
Дар Рим имкониятҳои содиротии маҳсулоти кишоварзии Тоҷикистон муаррифӣ гардиданд
