НИШАСТИ МАТБУОТӢ. То охири соли 2024 ширкатҳои ватанӣ маҳсулоташонро бо бастабандии нав пешниҳод менамоянд
ДУШАНБЕ, 10.02.2024 /АМИТ «Ховар»/. Иштироки корхонаву ширкатҳои Тоҷикистон дар намоишгоҳҳои байналмилалӣ сол то сол зиёд гардида, то охири соли 2024 ширкатҳои асосии содироткунандаи мо дар нақша доранд, ки маҳсулоташонро дар шаклу намуди нав пешниҳод намоянд. Дар ин хусус Раиси Палатаи савдо ва саноати Ҷумҳурии Тоҷикистон Ҷамшед Ҷумъахонзода 9 феврал зимни нишасти матбуотӣ иттилоъ дод.
Гуфта шуд, ки масъалаи муаррифии молу маҳсулоти ватанӣ берун аз мамлакат яке аз самтҳои асосӣ ва муҳими фаъолияти Палата ба ҳисоб рафта, дар давраи ҳисоботӣ ба ин масъала диққати махсус дода шуд.
Изҳор гардид, ки сифати маҳсулоте, ки ширкатҳои ватанӣ пешниҳод менамоянд, хуб аст, аммо ҳоло ҳам корхонаҳое ҳастанд, ки аз ҷиҳати шакли пешниҳод ва басту банд намуди зоҳирии маҳсулот ба меъёрҳои байналмилалӣ ҷавобгӯ нестанд. «Баъд аз суҳбату вохӯриҳо ва гузаронидани машғулият бо соҳибкороне, ки маҳсулоташон барои дар баробари таъмини бозори дохилӣ инчунин ба содирот нигаронида шудааст, аллакай дар ин самт беҳбудӣ дида мешавад. Имрӯзҳо дар марказҳои тиҷоратӣ дида мешавад, ки шакли пешниҳоди маҳсулот ба таври замонавӣ ва услуби нав амалӣ шудааст»,-афзуд раиси Палатаи савдо ва саноат.
Иттилоъ дода шуд, ки дар давраи ҳисоботӣ ба узвияти Палата корхонаю ташкилоти нав ҷалб шуда, шумораи умумии аъзои он ба ҳолати 1 январи соли 2024 ба 959 адад расонида шуд, ки нисбат ба ҳамин давраи соли гузашта 49 адад зиёд мебошад.
Шаҳлои САДРИДДИН,
АМИТ «Ховар»
АКС: АМИТ «Ховар»
Президенти Тоҷикистон: «Дар 25 соли охир ба рушди иқтисоди мамлакат 760 миллиард сомонӣ сармоя равона гардидааст»
Дар хиёбони Саъдии Шерозии шаҳри Душанбе сохтмони як гузаргоҳ ва як пули мошингард оғоз меёбад
Султон Раҳимзода: «Тоҷикистон ба марҳилаи нави рушди шарикии давлат ва бахши хусусӣ ворид мешавад»
Дар Душанбе ғолибони Озмуни ҷумҳуриявии «Соҳибкори сол – 2026» бо ҷоизаҳо қадрдонӣ карда шуданд
Густариши фаъолияти Корпоратсияи байналмилалии молиявӣ дар Тоҷикистон баррасӣ гардид
Дар Ҷумҳурии Тоҷикистон шумораи соҳибкорзанони фаъол ба 110 ҳазор нафар расид
«Саноатсодиротбонк» дар номинатсияи «Беҳтарин соҳибкор дар соҳаи бонкдорӣ» ғолиб гардид
Маҷмуи маҳсулоти дохилии Вилояти Мухтори Кӯҳистони Бадахшон дар нуҳ моҳ ба 1,5 миллиард сомонӣ расонида шуд
Дар шаҳри Бангкок густариши ҳамкории Тоҷикистон бо Хазинаи байналмилалии асъор баррасӣ гардид
Дар Форуми ҷаҳонии озуқаворӣ имконоти соҳаи кишоварзии Тоҷикистон муаррифӣ гардид
MADE IN TAJIKISTAN. Дар доираи Форуми соҳибкории «Тоҷикистон, ба пеш!» маҳсулоти истеҳсоли ватанӣ муаррифӣ гардид
14 ОКТЯБР–РӮЗИ СОҲИБКОРОН. Соҳибкорон неруи бузургу пешбарандаи иқтисодиёти Тоҷикистон мебошанд
