РӮЗИ ҶАҲОНИИ ФУТБОЛ. Ҷавонону варзишгарони Истаравшан ин пешниҳодро ҷонибдорӣ менамоянд

Февраль 27, 2024 17:23

 СУҒД, 27.02.2024 /АМИТ «Ховар»/. Ҷавонону варзишгарони шаҳри Истаравшан ҳамовозиашонро аз пешниҳоди Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе, Президенти федератсияи футболи Тоҷикистон, Президенти Ассосиатсияи футболи Осиёи Марказӣ (CAFA) муҳтарам Рустами Эмомалӣ ба Созмони Милали Муттаҳид оид ба қабули Қатъномаи махсуси Маҷмаи умумии СММ ҷиҳати эълон намудани Рӯзи ҷаҳонии футбол бо баргузории роҳпаймоии осоишта иброз намуданд.

Тавре ба мухбири минтақавии АМИТ «Ховар» Саъдулло Маҳкам дар  дафтари матбуоти Раиси шаҳри Истаравшан хабар доданд, ҳазорҳо ҷавонону варзишгарон, аз ҷумла ҳайати дастаи футболи «Истаравшан», аъзо ва ҷонибдорони «ФАНКЛУБ»-и дастаи футболи шаҳр, собиқадорони соҳаи варзиш бо бардоштани шиору овезаҳо тавассути хиёбони Исмоили Сомонии шаҳр роҳ паймуда, дар майдони «Нишони давлатӣ» ҷамъ омаданд.

Раиси шаҳри Истаравшан дар назди иштирокчиёни ҳамоиш сухан гуфта, ҳамовозии ҷавонону варзишгарони шаҳри Истаравшанро ба пешниҳоди муҳтарам Рустами Эмомалӣ ҷиҳати эълон намудани Рӯзи ҷаҳонии футбол қобили дастгирӣ арзёбӣ намуд.


Воқеан, варзиш дар ҳамаи давру замон муаррифи давлат буда, дар замони муосир яке аз воситаҳои асосии шинохти миллат маҳсуб мешавад.

Гуфта шуд, ки дар замони соҳибистиқлолии ҷумҳурӣ як силсила санадҳои меъёриву ҳуқуқӣ таҳия ва қабул гардиданд, ки ба ташвиқу тарғиби тарзи ҳаёти солим, оммавигардонии варзиш, баргузор намудани мусобиқаҳои ҷумҳуриявию байналхалқӣ ва омодакунии варзишгарони касбӣ мусоидат намуданд.

Таъкид гардид, ки пешниҳоди Рӯзи ҷаҳонии футбол саривақтӣ ва дорои хусусияти умумиҷаҳонӣ буда, ба рушди минбаъдаи футбол дар тамоми гӯшаву канори ҷаҳон мусоидат менамояд. Дар ин замина оид ба рушди футбол дар шаҳри Истаравшан ва ташкили шароити мусоид барои дастаи футболи «Истаравшан» маълумот дода шуд.

Дар ҳамоиш суруду оҳангҳои ватандӯстона пешниҳод шуданд.

АКС: дафтари матбуоти Раиси шаҳри Истаравшан

Февраль 27, 2024 17:23

Хабарҳои дигари ин бахш

Дар Хуҷанд чемпионати ҷумҳуриявӣ оид ба шиноварӣ ҷамъбаст гардид
«PANDA CUP 2026». Дастаи мунтахаби ҷавонони Тоҷикистон (U-20) бо дастаи Чин мусовӣ бозӣ кард
Дастаи мунтахаби Тоҷикистон оид ба футбол ба финали Кing’s Сup 2026» баромад
Аъзои дастаи мунтахаби наврасони Тоҷикистон (U-17) бар ҳамсолонашон аз Фиҷи пирӯз шуданд
«KING’S CUP 2026». Имрӯз дастаи мунтахаби Тоҷикистон дар даври нимниҳоии мусобиқа бо тими яккачини Умон бозӣ мекунад
Дастаи мунтахаби Тоҷикистон оид ба футзал бозии дӯстонаи дуюмро бо Узбекистон мусовӣ анҷом дод
Дастаи мунтахаби ҷавонони Тоҷикистон (U-20) дар оғози Мусобиқаи «Рanda Сup-2026» бо Кореяи Ҷанубӣ ҳисоби бозиро мусовӣ кард
Дастаи мунтахаби Тоҷикистон омодагӣ ба мусобиқаи «Кing’s Сup 2026»-ро оғоз кард
Паҳлавонони тоҷик аз Чемпионати ҷаҳон оид ба самбо бо шаш медали ифтихорӣ бармегарданд
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд
Дастаи мунтахаби футзали Тоҷикистон бозии дӯстонаи якумро бо дастаи Узбекистон анҷом дод